اشکیم آخار ئوزه گئنه شعر عزا یازار
لوح دله جوادین آدین برملا یازار
قلبیم الولانوب یانار ایلر نوا یازار
موج ایلیر محبّتی قلبیمده جوشلانار
جاری ائدر گؤزوم یاشین، هنگامه باشلانار
.
روز عزادی باشه گئنه قاره باغلارام
بزم عزاده نوحه دئیوب سینه داغلارام
بو گون قوشوب امام رضایه سس، آغلارام
او حضرتین تک اوغلی بوگون باغریقان ئولوب
یاننام او مهربان آقاما کی جوان ئولوب
.
کیمدور جواد؟ سیّد پاک و گرامیدی
عشق اهلینون عزیز و گرامی امامیدی
ال سینه¬ده ملکلر او شاهین غلامیدی
الله اونا وئروبدی جلال محمّدی
اظهار ائدوب جهانه جمال محمّدی
.
کیمدور جواد؟ آدین ائدر حور زمزمه
قویدی رجب آییندا قدم صحن عالمه
احسن دئدی سَبیکیه معناده فاطمه
جانلار فدا دئدی اولا بو نازلی دلبره
خفّت یاراتدی پاقدمی واقفی لره
.
کیمدور جواد؟ گوهر یک دانۀ رضا
نور دو چشم و روشنی خانۀ رضا
بیر هدیۀ الهی دی جانانۀ رضا
دورسا ایاقه گر قدمیندن فلک اؤپر
یول گئتسه شوقیلن باشینا گل ملک سپر
.
کیمدور جواد؟ عالم اونا جان فدا ائدر
دورسا نمازه یئر گوی اونا اقتدا ائدر
دوتسا قنوت، مهدینی هر دم دعا ائدر
باشدان ایاقه نور، دیلینده دعاسی نور
ذکری فقط بو کلمه دی «عَجِّل علی ظُهور»
.
کیمدور جواد؟ رشک آپاران شأنینه خلیل
عیسانی حیرته سالوب اول سیّد جلیل
سکگیز یاشیندا خلقته یکسر اولوب کفیل
یاخشی بیلور خدا کیمه وئرسون رسالتی
الله اونا محوَّل ائدیبدی امامتی
.
کیمدور جواد؟ مات ائلدی علمی عالمی
محکوم ائدیبدی بزمیده یحیی بن اکثمی
سالدی مذلّته اونی برهان محکمی
الله عطا ائدوب اونا علم لدنّی‌نی
خوار ایلیر رجال رجزخوان سنّی‌نی
.
- چهارشنبه
- 2
- مرداد
- 1398
- ساعت
- 12:52
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه