کیمدور علی وارث اسلاف دور
کیمدور علی هادی اخلاف دور
کیمدور علی سیدالاشراف دور
کیمدور علی مست می صاف دور
کیمدور علی عالیه اهداف دور
.
.
کیمدور علی بیت خدااوغلی دور
حل وحرم غار حرااوغلی دور
مشعریله خیف ومنا اوغلی دور
مروه ایله سعی وصفا اوغلی دور
باطله دشمن حقه وصاف علی
.
.
شیرحقون وصفینه ذات خدا
نازل ایدوب آیه قل انما
بسدی اونون شانینه تک هل اتی
مصحف حق آیه لری ای بسا
منزلت وقربینه کشاف دور
.
.
عرش خدا منبرینون پایه سی
اونلا صفا تاپدی زکات آیه سی
کعبه حقون اودی پیرایه سی
مهره صفا ویردی اونون سایه سی
حقینه عارف بوتون اعراف دور
.
.
گوزیاشی ایمان گلینه ژاله دی
مه یوزینه طره سی چون هاله دی
باغ امامتده علی لاله دی
قهری اونون آتش جواله دی
مهر ولا صاحب الطاف دور
.
.
زمزمه سیندن بیلونور وصف آب
پخش اولونور گل دوداقیندا گلاب
اولموش علی ناطق ام الکتاب
برج ولایتده اودور آفتاب
علم یمی واسع الاکناف دور
.
.
عشق حدیثی تاپوب اونلان وقار
اولدی ازل طالب وصل نگار
وردی خدا ذکری اولوب یاریار
قدرینی هاردان بیله جک یار غار
گوهر علی اولسا او نداف دور
.
.
اوندان آلوب عطرینی دنیاده گل
کعبه تانور کیمدی او هادی کل
حق ایلیوبدور اونی شمع سبل
یاخشی تانور دی اونی ختم رسل
آری نبی بو زره صراف دور
.
.
آلنی صفا صبحینه آیینه دور
صورتی سیناده اولان سینه دور
پاک یورگی صاف دی بی کینه دور
قلب علی آیینه دن صاف دور
.
.
مدیدی قاشلاری الف لامیده
یکه جوانمرددی اسلامیده
یوخدی تایی محنت و آلامیده
سوزدی گلوب صورت الهامیده
گل اوتورا خاریله انصاف دور
.
.
حقینی غصب ایتدی جبین پینه لر
اولدی عیان کینه دیرینه لر
گوردی ایشین بعد نبی کینه لر
تپراقا محتاج اولوب آیینه لر
خانه نشین سید الاشرافدور
.
.
ارزشینی بیلمدیلر ای اسف
ایتدی هدف تا صدفی بیر خزف
یاندی قاپی سیندی اوساعت صدف
ال لریورکده دیدی شاه نجف
کرکسه ماوا نجه گور قاف دور
.
.
محسنی سقط اولدی باتوب قانه یار
تارگوروندی گوزینه روزگار
یاندی علی گیتدی الیندن نگار
قلبی اولوب لاله کیمین داغدار
وردی ولی سوره اعراف دور
.
.
- پنج شنبه
- 3
- مرداد
- 1398
- ساعت
- 14:44
- نوشته شده توسط
- ابوالفضل عابدی پور
- شاعر:
-
حاج محمد تقائی
ارسال دیدگاه