دام زلفون منی بو عشقه گرفتار ایلدی
سالدی صحرالره مجنونه منی یار ایلدی
.
یاعلی ایله نظر عشق طبیبیم سن سن
وصلوین شوقی منی درده خریدار ایلدی
.
ایستمز منت داروی طبیبانی چکه
ناز چشمون گوزلیم هرکیمی بیمار ایلدی
.
بوشلیوب مکتبی گلدیم داخی میخانه لره
عاقبت عشق منی شهره ی بازار ایلدی
.
بیله فکرایلیورم خالق رحمان و رحیم
یاعلی سسلیوب افلاکی پدیدار ایلدی
.
بوتراب اولسادا آدون، ویریلوب عرش آدووا
عالمی حسن رخون صحنه ی گلزار ایلدی
.
العطش سسلوری مین خضر سنون کویونده
عوض آب حیات آدووی تکرار ایلدی
.
ایوی آباد ، آقا لطف ایلیوب (بابکه ده)
قلمیندن یاپیشوب شاعر دربار ایلدی
- پنج شنبه
- 3
- مرداد
- 1398
- ساعت
- 14:47
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه