ای زائران کعبه خلّاق ماسوا
خوش حالوزه بو لطفی سیزه حق ایدوب عطا
.
دعوت بوامر خیره خدادن گرک گله
یوخسا چتیندی بیر کس او ماوایه یول تاپا
.
چوخلار بو آرزوده دی دائم ایدور دعا
تیزلیقدا تا نصیبی اولا خانه خدا
.
امّا اورکلرینده قالوب آرزولری
بو نیّته خدایه ایدور هردم التجا
.
دعوت گلوبدی سیزلره درگاه حقّیدن
خوش حالوزه اجابته چاتموش بو مدعا
.
سیزدن بیز التماس دعا ایلیروق بوگون
سیزده طواف ایدنده بیزی ایلیون دعا
.
بیرده بودور سفارشیمیز ای عزیزلر
یادّان چخاتمیون سیزه بو جانمیز فدا
.
چاتدوز اوگونکی غملی مدینه دیارینه
ال سینه ده دوروب گوزی یاشلی ایدون نوا
.
اوّل سلام عرض ایلیون ختم مرسله
صوندان دیون اورک سوزوزی دلده آه و وا
.
بعد از زیارت حرم حضرت رسول
یول باشلیون بقیعه او دمده یانا یانا
.
آغلار گوزوز او غملی مکانه دوشَن زمان
غم نوحه سین اورکده دوتوب باشلیون عزا
.
اوردا یاتان غریبلره ایلیون سلام
چونکی اولار جهاندا گوروب ظلم ناروا
.
بیرده فسرده حالیله زهرانی یاد ایدوب
ایتگیندی چون مزاری وورور دللره یارا
.
دل یاندیراندی بو خانمون درد و غملری
علّت اودور کی شیعه یانار صبحیله مسا
.
زوار حسرتیله گزر غم دیارینی
حیران باخار صاقا صولا بیلمز گیده هارا
.
بو درد و غم سیخار ایله صبرین حصارینی
قان آغلادار محبین ایدر درده مبتلا
.
گوزدن توکر سرشگینی فریاد ایدر خانم
اهل ولانی درده سالیبدور بو ماجرا
.
ای گل وجودی تیر بلیّاته توش اولان
ای دهریده اولان غم و دردیله اشنا
.
ای نصف شب بقیعیده گزلنجه دفن اولان
ای ائوز ایوینده گزلین اولان ماتمی بپا
.
ای یاندیران غمونده دل آشنالری
ای غمگسار درد دل شاه لافتا
.
سن سن ولایتون یولونا اولین فدا
تک نه ائوزون بالاندا بو یولدا اولوب فدا
.
یوخ بیر نفر بیزه دیه قبرین هایاندادی
بو نسگیله ائولونجه گرک قلبمیز یانا
.
اللر دعاده شیعه لروز منتظردیلر
مهدی بالان ظهور ایده تا انتقام آلا
.
رزاقی یم بو درگهه وابستییم خانم
فرض ایلیون قاپوزدا منی کمترین گدا
.
بو درگهون گدالیقی مین شاهلیقا دَیَر
درگاهیدن بو نوکروزی ایتمیون جدا
.
بیر وقفه ده عنایت ایدون بو غلاموزا
تا کی گلوب مدینه ده بیرده قوناق اولا
- شنبه
- 5
- مرداد
- 1398
- ساعت
- 13:10
- نوشته شده توسط
- ابوالفضل عابدی پور
- شاعر:
-
ستار رزاقی
ارسال دیدگاه