روح تولا علی
مونس طاها علی
عدل و عدالت علی
دیللره یارا علی
مظهر داور علی
شیر دلاور علی
همدم و کفو بتول
ساقی کوثر علی
.
ناطق قرآندی علی
پا به سر ایماندی علی
تا نفسیم وار دییرم
روحیمه ریحاندی علی
.
یار علی کرار علی یا سید الابرار علی
.
.
.
.
سالک حق حق پرست
باده عشقیله مست
آینه لایزال
علت ایجاد هست
روح جلال و وقار
اهل دیله غمگسار
عطر خوش حیدره
عالم اولوبدور خمار
.
نام علی آب حیات
رحمت و جود و برکات
هر ایکی دنیاده یقین
خلق تاپار بونلا نجات
.
یار علی کرار علی یا سید الابرار علی
.
.
.
.
باخ دل ویرانیه
غملی بو کاشانیه
وار گوزوموز لطفیوه
درگه شاهانیه
سیدی بوشدور الیم
یوخ عملیم حاصلیم
چکسن الین باشیمه
زیب تاپار محفلیم
.
کیم غم و مشگلده قالار
حاجتینی سندن آلار
کیم آدیوا اولسا دخیل
باشی جهاندا اوجالار
.
یار علی کرار علی یا سید الابرار علی
.
.
.
.
مرغ دیله دانه ویر
صفا دل و جانه ویر
تذکره مرقدون
بیزلره عیدانه ویر
دایره دولته
مرتبت و حشمته
جانمیز اولسون فدا
یاعلی اول شوکته
.
گوهر جان سان فلکه
گلمز عیارون محکه
قوت دل دور آدون
آدم و جن و ملکه
.
یار علی کرار علی یا سید الابرار علی
.
- چهارشنبه
- 9
- مرداد
- 1398
- ساعت
- 10:53
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه