• جمعه 10 فروردین 03


متن شعر ترکی امام علی(ع) -(دلا بیر سوز واریم چوخ دلنشین دی )

817

دلا بیر سوز واریم چوخ دلنشین دی 
کمال معرفتدی اصل دین دی 
ولایت اهلینه عین یقین دی 
اگرچه هضمی اغیاره چتین دی 
فقط حیدرامیرالمومنین دی 
الاای شیعیان شاه مردان 
اولون آگه که وهابیّ نادان 
تلاشین ایلیوب الان دوچندان 
چیخارداحیدرکرّاری یاددان 
ولی بیلمورکه شیعه نکته بین دی 
دئنن شیعه شعارشومه اویماز 
ولایت رختینی غفلتله سویماز 
حریم عشقینه اغیاری قویماز 
دویارجاندان علیدن لیک دویماز 
اوجاسسله که دنیایه بیلیندی 
اشیتدیم قول ختم الانبیاده 
کلام راستین مصطفاده 
دئیوم عشق ایلسون اهل ولاده 
یازوب بوجمله نی عرش خداده 
بوجمله زینت عرش برین دی 
گلوب حقدن بیزه اون ایکّی حجّت 
اون ایکّی صاحب شان وشرافت 
بویورموش بوسؤزی خلاق خلقت 
اولاردان تک علینوندی بونسبت 
امارتده علی مسندنشین دی 
ائله ای شیعه دائم دلده جاری 
بوعنواندی چون ایمانین عیاری 
ولایتدی،دیانت اعتباری 
علی سیزکفریدی اسلام،آری 
یقین ائت معنی قرآن همین دی 
کیمون اللهه واردی اعتقادی 
مسلماندی اونون دنیاده آدی 
گرک دینینده اولسون استنادی 
ولایت سیزعبادتلرفنادی 
ولایت روح دین راستین دی 
سؤال ایله جناب مصطفادن 
ضمیرپاک آیات هدادن 
زبان هل اتی وانّمادن 
ائشیت شرح بلیغ قل کفادن 
اگرچه بطنی قرآنین درین دی 
ولااهلی ولی دن دم وراللار 
فرازقافیده پرچم وراللار 
بساط فتنه نی برهم وراللار 
عدویه ضربت محکم وراللار 
کی مشت شیعه مشت آهنین دی 
دئ وهّابیّته ای سست بنیاد 
بونی درک ائت بوقدری ائتمه بیداد 
وئرورتاریخ ایام جهان یاد 
درافتادهرکه باحیدر ور افتاد 
یداللهیله در دوشمک چتین دی 
علی ذکرین اشیت بیزدن اذاندا 
طنین اندازاولورهفت آسماندا 
آدین نقش ائتمیشوک بیزلوح جاندا 
گزورعشقی وجودعاشقاندا 
قیزیل قانیله رگلرده عجین دی 
بیزیم روحیّه ی حسّاسیمیزوار 
جوشاردریاکیمین احساسیمیزوار 
دئمه کی خضریلن الیاسیمیز وار
بیزیم صف سیندیران عباسیمیزوار 
علی اوغلی یل ام البنین دی 

  • چهارشنبه
  • 9
  • مرداد
  • 1398
  • ساعت
  • 13:5
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران