شیعه نین ایتدی ایشیق گوندوزونی ظلمیله شام
ماه ذی حجه ده ای اهل عزا زهر هشام
.
بوعزاده نه یرین اهلی فقط اولدی غمین
باتدی دریای غم وغصیه عرش اهلی تمام
.
هر اورکده اولا اولاد علینون مهری
ایده بیلمز داخی بو محنت عظماده دوام
.
حضرت باقری مسموم ایلدی زهرجفا
او کی جابردن اونا ویردی پیمبرده سلام
.
بیر حالا قالمیشیدی زهر اثریندن بدنی
گل وجودینده یوخیدی آقانین حال قیام
.
سالدی حتما یادا اول لحظه ده جدی حسنی
یوز بقیع سمتینه دوتدی دیدی اول مظلوم امام
.
ایندی بیلدیم نه چکوبسن یانورام حالیوه من
سن دوشن درده منی توش ایلیوب قوم ظلام
.
ولی چاتمازغمیمیز تشنه حسینون غمینه
وار یری گوز یاشیم اولسون یوزومه جاری مدام
.
گورموشم من چون اوشاقلیقدا کفنسیز بدنی
اودیکی یاده سالاندا اونی قان آغلیورام
.
بیر حصیرین قاتینا بوکدی او باشسیز بدنی
قبرینه قویدی غریبانه اودل داغلی آتام
.
گورمیشم قیزلارینین شامیده سیلی یمگین
گورمیشم اصغرینین خیمه ده قانلی بلگین
.
گورمیشم زینبینین کوفه ده باش یارماقینی
گورمیشم اکبرینین ظلمیله دوغرانماقینی
.
گوردوم آغلاشدیلابیردن اوجادان اهل حرم
عموم عباسین اولاندا ایکی قولاری قلم
.
کربلادن آپاراندا بیزی شاماته اسیر
عمه مون قولارینی باغلادی اول شمر شریر
.
- دوشنبه
- ۱۴
- مرداد
- ۱۳۹۸
- ساعت
- ۱۳:۷
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه