قلم الیمده یازور یا امیر و یا مولا
نفس دوداقدا دیور یا کریم و یا آقا
.
فلک دیور اونا چاتماز سنون ضعیف عقلون
ملک دیور آدینی سسله ایلیر غوغا
.
نشسته ام بنویسم علی امام من است
علی امام من است و منم غلام اورا
.
هوالعلی و هوالعالی و هوالأعلی
هوالولی و هوالوالی و هوالوالا
.
گهی خداست نمایان گهی علی پیدا
گهی نبی ست علی و گهی علی زهرا
.
مبارک است دلم را محبت حیدر
مبارک است علی را حکومت دلها
.
علی دی نص روایت علی دی عمق کتاب
علی دی مقصد معبود ضمن کرمنا
.
علی وجودینه مین دفعه ناز ائدر توپراق
نجف دیارینه حسرت چکر بهشت خدا
.
اگرکه بؤشلاسام عشق علینی وای منه
اگر او باخماسا بو بینوایه واویلا
.
.
کیم ایستیور دیه لبیک یا رسول الله
دئسون که أشهد أن علی ولی الله
.
.
وجود عالمه قلب تپنده یا حیدر
یاراتمیوب یارادان بیله بنده یا حیدر
.
علی او کسدی که دشمنده شأنینی تانیور
محبیده چاغیرور اهرمنده یاحیدر
.
علی نی سسلوری دریاده ماهی دریا
نسیم صبحی ده سویلور چمنده یاحیدر
.
علی دیردی：علی؛ ذوالفقار آلاندا اله
دیردی تیغ دو دمده أننده یاحیدر
.
دیولله برهم اولور رکن فرقه ی داعش
مدافعان حرم سسلینده یاحیدر
.
علی یولوندا اگر که بوغازیمی کسه لر
گورلله قاندا دیور جان و تنده یاحیدر
.
شعار شیعه بودور؛ یکصدا هامی دیروخ
بالاسی حضرت مهدی گلنده؛ یاحیدر
.
اوتانما عمق وجودیله سسله حیدر آدین
دیوری فاطمه：جان؛ سن دینده：یاحیدر
.
مرام بیزده بودور؛ حرف اول و آخر
گلنده عالمه همده ئولنده یاحیدر
.
.
آقامین آدی عسلدن شیرین حلاوتدی
علی علی دئماقیم أفضل العبادتدی
.
.
خم غدیریده لوح وجودی صاف ایله
قفسده روحیوی ساخلاتما عزم قاف ایله
.
اوکس که قورخسا بو وادی ده مقصده چاتماز
ئورگیوی ره دلبرده لاتخاف ایله
.
همیشه آب کر اولماز طهارته منجر
علینون عشقینه گوزیاشیوی مضاف ایله
.
علی علی دیورم تا علی دئسون：یارب
حساب روز جزادن بونی معاف ایله
.
ئورکده ناد علی سؤیله؛ رد شمس ایله
دئنن علی مع الحق؛ قمر شکاف ایله
.
دئدیله آدمه گر رحمت حق ایستورسن
محبت شه مردانه اعتراف ایله
.
اولاندا کعبه بنا؛ گلدی سس که ابراهیم
علی بو ائوده گلر عالمه؛طواف ایله
.
أنالعلی دئدی خیبرده یعنی：ای قلعه
وارون مبارز اگر عازم مصاف ایله
.
دئدیله مرحبه ای پست؛ قلب میداندان
گلور صدای علی تیغیوی غلاف ایله
.
.
قویون یازیم نجه فتح اولدی قلعه ی خیبر
یتیشدی قلعه یه اندی آتیندان اول سرور
.
.
سکوت محض اوگون حاکمیدی هر یرده
گلوردی قدرت داور ظهوره بی پرده
.
اوگون جلال و جمالینده تام و کاملیدی
او پهلوان که آدی نقل هر محافلیدی
.
چکردی رشته ی آوازه سین جهان عرب
حجاز و شام و عراقین بلکه روم و حلب
.
گوز اولموشیدی باخوردی اورا تمام جهان
دایاندی بیر نچه لحظه او یرده نبض زمان
.
نفس گیدوردی در استوار خیبردن
یاپیشمیشیدی علی دستگیره ی دردن
.
گلوردی قلب رسول الله اول زمان وجده
گوروردی قلعه ائدوبدور یداللهه سجده
.
علی اودم که یاپیشمیشدی باب خیبردن
او قلعه اهلی دانیشموردی رعب حیدرن
.
علی الینده نه دور باب خیبری ییخماخ
که بارماقیلا ایدر فتح او بابی هیچ دئمز آخ
.
گر ایلسیدی اشاره؛ قاپونی قؤزاردی
گر ایستسیدی بوتون قلعه نی قؤپارداردی
.
علی او دست خدادور که یوخدی رودستی
یاریمچلیق باخیشی کل عالمه بسدی
.
اوجالدی حیدره دروازه نون تمناسی
کمال شوقیله شیق شیق ائدوردی لولاسی
.
قانادلارین ائلیوردی پرنده لر کیمی باز
بیلوردی دست علی ده ائدر بوگون پرواز
.
دوروب قولاق قولاقا هم یهود هم لشگر
گوراخ دیردیله کیمدن علی مدد ایستر
.
ائدنده اللرینی محکم اول دره مولا
قاپونی قؤزادی بیردن چاغیردی یا زهرا
.
که یعنی قوت بازو که منده وار سن سن
علی دگول او که قلعه لری ییخار سن سن
.
سن اولماسان داخی دیزلرده قوتیم اولماز
نه جنگه؛ زندگیه بلکه رغبتیم اولماز
.
خلاصه قؤزادی چون باب خیبری مولا
الینی باشدان اوجالدوب علی به شکل دعا
.
او بابی که اونی قیرخ پهلوان آچانمازدی
آچیلسادا اونی کس ذره قؤزادانمازدی
.
ال اوسته حیدر کرار تؤلیوردی اونی
وئرنده چرخش اونا نه سما گوروردی اونی
.
نجه رها اولی مروارید از درون صدف
او جور او درگهی پرتاب ائدوب سمایه طرف
.
صورا گوز آلتی باخوب خیبره او شاه جلال
دیل آچدی قلعه دیدی：یاعلی تعال تعال …
.
یهودیلر ولی کینه ئورکده ساخلادیلار
همان علی بجرن گل لری ایاخلادیلار
.
یریدی عرض ائلیم یاعلی یرون بوشیدی
او گون که شام ئورگی انتقامیلن خوشیدی
.
قلم ادامه وئرنمور بو مطلبین دالینا
یهود کوچه سی…؛ ای وای زینبون حالینا
.
الا امیر دوعالم آغیر گلور مطلب
یهود قلعه لرین فتح ائدن امیر عرب
.
قالاندا قافله بازاریده هایاندیدون؟
اولاندا عترتون انظاریده هایاندیدون؟
.
دئدیله خارجی لر گلدیله چیخون قاباقا
او حال و روز شررباریده هایاندیدون
.
خبر واروندی نجه گونلره دوشوب زینب
ییخیلدی زینبون انظاریده هایاندیدون؟
.
عروس قاسمه شامین گلین لری گولدی
او نیش و طعنه ی سرشاریده هایاندیدون؟
.
یهود کوچه سی قان ائتدی قلب سجادی
جفای ملت اغیاریده هایاندیدون
.
گلون دیردیله تا خیبر انتقامین آلاخ
عذاب عترت اطهاریده هایاندیدون؟
.
همان علی که سوزی خوار ائدوب عیالی گلور
او شهر ایچینده کی پیکاریده هایاندیدون؟
.
الینده هر نه که وار آتدیلا اسیرلره
یؤرش ملت بی عاریده هایاندیدون؟
.
بالاجا قیزلارا چوخ اذیت اولدی یا مولا
فضای اذیت و آزاریده هایاندیدون؟
.
توکینی چکدی بیری سیلی سین بیری ویردی
قیامتیدی او بازاریده هایاندیدون؟
.
اسیرلر باشینا اود توکولدی داش یرینه
یاناندا خورداجا قیز ناریده هایاندیدون؟
.
یاخونیدی بالالاردان بیری کنیز گئده
او بزم حاکم میخواریده هایاندیدون؟…
- شنبه
- 19
- مرداد
- 1398
- ساعت
- 14:5
- نوشته شده توسط
- مهدی فعال
- شاعر:
-
مهدی فعال
ارسال دیدگاه