حیدر ای مولَی المَوالی
حیدر ای فخرِ دوعالم
حیدر ای جانِ پیمبَر
افتخارِ نسلِ آدم
سن امامُ المُتَّقین سن
سَرورِ اهلِ یقین سن
ای عزیزِ جانِ زهرا
زینتِ عرشِ بَرین سن
علی علی علی
سن جهانین خلقتینده
یا علی بیتُ الغَزَل سن
من نجه توصیف ایدوم چون
خالقون تَک بی بَدَل سن
سن گُلِستانِ جهاندا
یا علی عالی ثَمَر سن
جامعِ اوصافِ یَزدان
یا علی کَیفَ بَشرسَن
نوح و موسی و خلیلی
غمدن آزاد ایلیوبسن
یونس و ایّوب و یعقوب
قلبینی شاد ایلیوبسن
انبیا و اولیایه،
اولموسان سن یارو یاوَر
اَللریندن تز دوتارسان
کیم دیسه گَل داده حیدر
کیمده قدرت وار صفاتون
وصف ایده ای شاهِ مردان
وصفیوی آیه به آیه
شرح ایدوبدی ذاتِ سُبحان
بولمورم نه وار آدوندا
عشقیوه دیل مُبتَلادی
کعبه نین باشین اوجاتدون
خالقین ای خانه زادی
سَهم و صولَتده نظیرون
گلمیوب گَلمَز جهانه
لا فَتی' اِلّا علینی
سَسلَرم من عاشقانه
خَندق و بَدر و حُنینی
شیری ای شیرِ دلاوَر
ضِیغَمِ میدانِ هیجا
سنسن ای فَتّاحِ خیبَر
- یکشنبه
- 1
- فروردین
- 1400
- ساعت
- 18:35
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه