ای جماعت منم شبه رسول امین
آستان بوسیدی جدیمه روح الامین
من علی اکبرم
شبه پیغمبرم
یاالله یاالله
.
.
عاراولاای قوشون دینوزه فرهنگوزه
خلف مرتضی عزم ایلیوب جنگوزه
سالارام ولوله لشگروزه هنگوزه
قویمارام خوار اولا دین خدا پرچمین
.
.
بله فکرایتمیون خسته ام افتادیم
سوا یالوارمارام بنده ی آزادیم
پهلوانلاریزون جنگینه آمادیم
باتاجاق قانه کیم ایتسه یولومدا کمین
.
.
سیزی مغرور ایدوب لشگر بی عاروننگ
واکیمون جرأتی گلسون ایدک ایندی جنگ
عرصه رزمگاهی ایدرم فوری تنگ
هرکیمون شکّی وار عزم جهاد ایله سین
.
.
تانیمورسوز اگر من نوه ی حیدرم
زینت گلشن فاطمه ی اطهرم
شهریار ادب دین ایوینه زیورم
گوزی یولدا قالوب قامتی خم عمه مین
.
.
کیم دیوبدور سیزه سو یولونی باغلیون
ساقی لشگرون قان ئورگون داغلیون
اوتورون گوردوگوز ایشلره قان آغلیون
نه نیازی سوا مست می زمزمین
.
.
ویرموشم وعده ی آب فرات اصغره
آپارام سو گرک عترت پیغمبره
سو ویرم تشنه لیکدن سارالان گوللره
سو غمی آرتیروب اصغر آناسین غمین
.
.
شهریار ادبدن ادب ئورگشموشم
عموم عباسیدن تاب وتب ئورگشموشم
فنّ جنگ و جدل با عرب ئورگشموشم
بکری کیم گوندروب دوتسون اونون ماتمین
- دوشنبه
- ۲۱
- مرداد
- ۱۳۹۸
- ساعت
- ۱۲:۲۲
- نوشته شده توسط
- ابوالفضل عابدی پور
- شاعر:
-
مرتضی اسکندری
ارسال دیدگاه