ای نور چشم مصطفی ای زاده ی زهرا حسین
حرم منی عفو ایله ای شاه ملک سیما حسین
.
.
کسدیم ازلده من یولون ای وارث شیرخدا
واردور گناهیم شرمیدن مندن خطا سندن عطا
عفوایتگله مهمانیوی ای معنی صدق صفا
قوما منی درگاهیدن ای صاحب تقوا حسین
.
.
قیزلاریوی قورخوتموشام دشت بلاده من آقا
چوخ چوخ پشیمانم منی عفو ایله ای کان عطا
عشقین سنین مولا منیم بو قلبیمه ویردی صفا
سن بیر کرامت کانیسن ای شاه بی همتا حسین
.
.
من سدراه اولدوم سنه یولدا پشیمانم آقا
قیل بیر کرم عصیانگرم من غرق عصیانم آقا
من گلموشم درباریوه ناخوانده مهمانم آقا
ای رهبر دین خدا ای عالمه مولا حسین
.
.
ای زینت عرش خدا ای پادشاه کربلا
امر ایله سن اهل حرم عفو ایلسون حری آقا
حری اوزون بو غصه دن آزاد ایله ای مه لقا
چون رحمته العالمین ای دلبر طاها حسین
.
.
مولا بولورسن چالموشام من عمری غفلت داشینه
حری باغیشلا سیدی بوگوزده کی گوز یاشینه
ویر سن اجازه قوی دونوم ششماهه اصغر باشینه
بودردیمه قیل سن دوا ای حجت یکتا حسین
.
.
بیر آز زماندا اولموشام من دام عشقینده اسیر
یوخدی بودنیاده سنه ای شاه بی همتا نظیر
ویر رخصت میدان منه جنگ ایلیوم مانند شیر
درگاهیوه گلموش دخیل بوحر بی پروا حسین
.
.
مولا بویوردی حره ای دلداده سن خوش گلموسن
خلق ایلیوب خالق سنی آزاده سن خوش گلموسن
ای حر آزاده منه امداده سن خوش گلموسن
دوشدی ایاقیندان اوپوپ سسلندی مولا یاحسین
.
.
حری نوازش ایلدی فرمایش ایتدی مرحبا
سن اولمادون راضی ایدن آل اللهه جوروجفا
صد مرحبا خوش حالیوه ای معدن صدق و صفا
حقدن قبول اولدی ایدوب طومارینی امضاء حسین
.
.
چون عرض قیلدی اذن ویر میدانه اول من گیدیم
بو جانیمی ای رهبر دین جانیوه قربان ایدیم
چوخ اهل تقصیرم آقا امر ایله مولا من ندیم
آیا باغشلارسان منی ای لطفیده دریا حسین
.
.
ای یادگار مرتضی قوی عازم میدان اولوم
بوجلوه گاه عشقیده من اکبره قربان اولوم
حقین یولوندا جان ویریم اوز قانیمه غلطان اولوم
تا رخصت آلدی شاد اولوب همراه اولوبدی با حسین
.
.
من عرض قیلام یاحسین ای منبع نور خدا
سن حری مایوس ایتمدین ای پادشاه کربلا
بو « مهدی» بیچاره نی ایله قاپوندا ارتضا
روز جزاده دوت الین ای شافع عقبا حسین
- پنج شنبه
- 24
- مرداد
- 1398
- ساعت
- 12:42
- نوشته شده توسط
- ابوالفضل عابدی پور
- شاعر:
-
حاج مهدی ملکی زنجانی
ارسال دیدگاه