شاکرم خالق سبحانه علی شیعه سی ام
عاشقم عترت و قرآنه علی شیعه سی ام
.
من ولایت باغنین بلبلی ام صبح و مساء
گئتمرم اوزگه گولوستانه علی شیعه سی ام
.
آناما قوربان اولوم شیعه بئجردوبدی منی
چاتارام قلّه ایمانه علی شیعه سی ام
.
ساقی کوثر الیندن ایچرم باده ی عشق
دییرم سرخوش و مستانه علی شیعه سی ام
.
عالم ذرّیده عهد ایلموشم عاشق اولام
باغلیام دیلدن او پیمانه علی شیعه سی ام
.
هل أتی سوره سینون شأن نزولین بیلورم
آند اولا سوره ی رحمانه علی شیعه سی ام
.
نجف الاشرفین ای دل بیر اووج توپراقنی
وئرمرم ملک سلیمانه علی شیعه سی ام
.
یانموشام شعله ی شمع غمه پروانه کیمی
یانمارام آتش نیرانه علی شیعه سی ام
.
وار حدیث نبوی شیعه بهشته گئده جاق
گئدرم روضه ی رضوانه علی شیعه سی ام
.
کشتی امن ولایتده یئریم واردی منیم
دوشمرم بحریده طوفانه علی شیعه سی ام
.
وارعلی عشقی باشیمدا اودی باشیم اوجادی
اگمرم باشیمی عدوانه علی شیعه سی ام
.
ای ولا اهلی منیله بو سؤزی سیزده دیون
سس سالوم عالم امکانه علی شیعه سی ام
.
یا علی ذکرینی قبریم داشینا حکّ ائلیون
تا که بیلسین هامی بیگانه علی شیعه سی ام
.
گلوری عطرِ محرّم منی مدهوش ائلیور
نوکرم شاه شهیدانه علی شیعه سی ام
.
یوم عاشور غدیرِ خُما پیوسته اولوب
آغلارام بی کس دورانه علی شیعه سی ام
.
من «بشیر»م اوزومه گؤنده بشارت وئرورم
یازیرام دفتر و دیوانه علی شیعه سی ام
- دوشنبه
- 28
- مرداد
- 1398
- ساعت
- 15:16
- نوشته شده توسط
- ابوالفضل عابدی پور
- شاعر:
-
سیدبشیر حسینی میانجی
ارسال دیدگاه