یاتیشان آجلارا کیمدور ورور احسان دولانور
ایسته مور چون تانینا هر گجه پنهان دولانور
کیمدی ویرانیه ساری گجه نون یاری گیدور
مرضه درده دوشن بیرگجیا مرحم ایدور
گور سدور آی ایشیقی کهنه عبانین یاماغین
چوخ وقاریله گویور تپراقین اوسته ایاغین
عصمت الله دی بو نفسی ایاق آلتیندا ازور
اوزی سلطاندی ولی وصله لی رختیله گزور
بودور علت کی لباسین فقرا مثلی گیور
سائیلیلن اتوروب دوز چرگی ساده ییور
اورگدور حیکلی کبریله دولان خیره سره
بوشلیوب اللهی تعظیم الین سیم وزره
یاخشی خصلت یاراشار آدمه نه یاخشی
غبا
ویرن انسانه شرف جانیدی یوخ جسمه بقا
سسلیور مأذنه ده شیعه بو عنوانی جلی
ختم مرسلدی محمد ولی الله علی
نجه فخر ایله مه سون شیعه علی منصبینه
نجه احسن دمه سونلر او گوزل مکتبینه
سلطنتلر اولا قربان علوی دولتینه
نجه قاصر سخنیلن دل آچیم مدحتینه
بیر بیوک ملکه عدالتله زعامت الیور
مدنی درسی ویرور خلقه زراعت الیور
گجه نی خلوت ایدور طاعته نخلستاندا
گونوزی گبریله پیکاره چیخور میداندا
ایکی عالم دولوسی شأن و فظیلتدی علی
ملکوت اهلینه استاد طریقتدی علی
قویدی معراجیده احمد قدمین هر طرفه
یتیروب گوردی علی جلوه سی عرشی شرفه
شرفی شأنی کمالاتی سغیشماز جاهانا
دوز غلامی اولا هر کیم نجه گتمز جنانا
یتیشر کیم مگر عالمده علی پایه سینه
ایستورم دالدالانام بنده علی سایه سینه
اولار عالم علی عالی اعلایه غلام
بیلینه خلقه اگر اندکی شایسته مقام
اونی انکار الیَن دنیادا مؤمن یاشاماز
گچه گوندوز ائده گر خالیقیلن راز و نیاز
اوکی محراب عبادتده اورک قبله سیدی
کعبه مولودی علینون او گزل جلوه سیدی
آدینه سجده اونون روح مناجات الیور
حیدرین خلقینه خالقده مباهات الیور
خلقتین اشرفیدور اون بیر امامین آتاسی
اون بیر عیسا دم شایسته مقامین آتاسی
مصطفا دن سورا چوخ غم اخونا اولدی نشان
هدفه هر بیری دگدی ائلدی قلبینی قان
شأنیده فضلیده گر چی یوخودی مثلی اونون
ووردولار همسرینه کوچه ده بیر سیلی اونون
رد اولا کوچه دن ایستوردی کسوب ثانی یولی
نجه ثانی اورگی کینه حیدرله دولی
نجه ثانی کی اونی لعن الیور حی جلیل
خانیما سیلی ویراند نجه اولمادی علیل
ضرب سیلی سی یخوب محشره خاتونی یره
حسنینین آناسی عصمته کانونی یره
ووردی سیلی دیمه دی دخت پیمبردی خانم
شأنینه نازل اولان سوره کوثردی خانم
ووردی سیلی دِمدی حالی پریشاندی بونون
آتاسی رحلت ادیب دیده سی گریاندی بونون
ووردی سیلی اورگی یانمادی اول بی ادبین
الدی دنیایه گورا خالق عالم غضبین
- دوشنبه
- 28
- مرداد
- 1398
- ساعت
- 15:40
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه