گورسه نن قبروندی قارداش منظر زهرادی بو
یا پریشان خاطرم من عالم رؤیادی بو
ایله کیم زینب باخور بو قبره شمع آهیله
زاده ی عمران بیله باخموب دل آگاهیله
باجیوی حیران قویان قبروندی نوراللهیله
چون برادر جلوه گاه موسی عمراندی بو
زینبون کسب ایلیوب چوخدان وفا سرمایه سین
آرتیرور قبرون غباری باطنی پیرایه سین
ویرمرم فردوس رضوانه بو قبرون سایه سین
ظلّ ثارالله دور نه سایه ی طوبادی بو
عالمی شش گوشه قبرون دوتموش آی تک هاله سی
زینبین فریادنون وار حشره دین دنباله سی
حقّی وار یتسه سماواته اوغول وای ناله سی
زلف اکبر تک پریشان بینوا لیلادی بو
سن ئولندن قویمیوبلار عترتون راحت اولا
قبرون اوسته حقّی وار ایمدی یتن زلفین یولا
باغلادی قوم ستمگر سن ئولن گون قول قولا
باخمادی کلثومدور یا زینب کبرادی بو
شمرده بیر کینه گوردوم مذهب و آئینیله
خصمدی مطلق ازلدن حضرت یاسینیله
حجّةالله بوینونا زنجیر ووردی کینیله
بولمدی بیمار امامه زحمت بیجادی بو
اُلفتون اوّل گیجه کسدون اگر چه اینجیدیم
بولمدیم قالدیم بو حیرتده که گتموم یا گیدوم
صبح اولاندا نیزه ده گوردوم کسیک باشون دیدوم
نخل ایمندور خدایا داریده عیسادی بو
آنلادیم خولی ائوینده بزم خلوت قورموسان
فاطمه نوریله قارداش مطبخی دولدورموسان
تازه کول اوستن دوروب بیر عطر او باشه وورموسان
نکهت خون دل انسیّۀ حورادی بو
ائتمیوم نیلوم شکایت زادۀ مرجانه دن
باخمادی بیر جمع وار شمعی سونن پروانه دن
وئردی اذن عام احضار ایلدی بیگانه دن
عرض ائدیم بیر قصّۀ جان سوز و غم افزادی بو
سهل دور دیندن چخوب دنیانی آباد ایستدی
بی حیا اوّل کسوک باشدان آلا داد ایستدی
عاقبت سجّادی ئولدورماقه جلّاد ایستدی
شرمه باخ هیچ سانمادی ذرّیۀ طاهادی بو
سیر افلاک ائتدی باشون قارداش اول سیرده
آشناسین ترک ائدوب تاخیره یتسون غیریده
بولمدی زینب نه نوعی جلوه ائتدون دیرده
سویلدی دیرانی یارب هانسی مه سیمادی بو
احمد مرسلدی بو باش عرشه معراج ایلیوب
یا که عیسی باشینه قان لخته سین تاج ایلیوب
نورینه خورشید و ماهی کیمدی محتاج ایلیوب
بولمرم موسادی یا داود یا یحیادی بو
حدّ سیر ظلمی قارداش سهل ساندون نیزه ده
گون سنه یانمشدی چوخگون سنده یاندون نیزه ده
دوشدی قالدی بیر قزون دوردون دایاندون نیزه ده
قانمادی بیگانه لر نه سرّ و نه ایمادی بو
باشیوی قارداش گورن تحسین ایدوب نقّاشینه
هر جفا یتدی او باشه خم یتورموب قاشینه
نیزه باشینده نشان اولدی عجوزه داشینه
مختصر گچماق گرک هر چند بیر دریادی بو
صبحدی وارد اولاندا شهر شامه قافله
یتدوق آخشام وقتی اما بیر خرابه منزله
نه در و دیوار نه سایه ، حسین ، گلدیم دیله
سویلدیم مطلق عیال حیدره مأوادی بو
شرح اولا قارداش حسین بزم یزیدین محنتی
چوخ اوزاق گوردی قوناقه حاضرین اول حرمتی
عاقبت گلدی بروزه جاثلیقون همّتی
سسلدی یاران گورون نه نوع نابینادی بو
گورموری بو باش که ظلم ایلور لب و دندانینه
آیۀ قرآنیله ذاکردی اؤز جانانینه
نوری افلاکه چخور آند اولسون عیسا جانینه
یا وصی دور یا ولی ذکر حقه گویادی بو
ایستدی بیر نوع چکسون پرده بو سرّه یزید
پرده لنمز بولمدی سرّ خداوند مجید
جاثلیق اذن آلدی اوغلوندان اولوب قارداش شهید
نه سعادت نه شرف نه رت ...
- سه شنبه
- 26
- شهریور
- 1398
- ساعت
- 9:53
- نوشته شده توسط
- علیرضا گودرزی
ارسال دیدگاه