اوگون که دشت بلایه یتوب بلالی قطار
گوروندی زینبه شش گوشه‌لی غریبه مزار
.
.
او دشته عالمۀ بی معلمه باخدی
او یرده چکدیگی چوخ ماتم و غمه باخدی
یانان چادر یرینه نهر علقمه باخدی
گوروب اویردی که یوزمین بلا گلوب باشنا
او یردی باغلانوب آب فرات قارداشنا
.
.
گلوب محبتی جوشه کسیلدی طاقت و تاب
دولاندی باشینه قبرین اولوبدی قلبی کباب
یارالی قارداشینا ایلیوب بو نوعی خطاب
.
قرادی طالع بختیم گونوز منه گجه‌دی
باجون مزاریوه قربان یارالارون نجه‌دی
.
گیدنده نعشوه شال عزا چکن یوخودی
نه بیر حنوط نه تابوت و نه کفن یوخدی
یارالی یاتمیشدون بیرجه دفن ایدن یوخدی
باغشلا من سنی دفن ایتمه‌میش حسین گیتدوم
فرنگ اسیری کیمی شام شومی سیر ایتدوم
.
.
جفای خنجره‌سن، من بلایه توش اولدوم
دوشوب قرا گونه عالمده قاره پوش اولدوم
دیمه که شامده من قورخودان خموش اولدوم
بلالی زینبوم چوخلی ماجرا بیلورم
سوروشما حالیمی قارداش خرابدن گلورم
.
.
سوروشما حالیمی پوزقوندی حال و احوالیم
ئوزوم کمی گینوب قاره بخت و اقبالیم
سنیله گیتدی منیمده جلال و اجلالیم
قوجالمشام آتام اوغلی یورولموشام نیلوم
یوخوم مزاریوه تحفه سویولموشام نیلوم
.
.
اگر چه من ئوزومی چوخ ایتورموشم قارداش
جهانیانه بر ظلمی یتورموشم قارداش
دور ایندی اهل عیالون گتورموشم قارداش
نجه دیوم سنه شرمنده‌ام سوزوم چوخدور
بو جمع ایچینده فقط بیر امانتون یوخدور
.
.
فلک آرامزه بیر سنگ تفرقه سالدی
خرابه شامده آرام و صبریمی آلدی
همان چوخ ایسته‌دیگون قیر خرابه‌ده قالدی
خرابه بلبلی گلشنده گلدن آیریلدی
دیوب دانشمادی بیچاره ائلدن آیریلدی
.
.
هزارۀ چمن آخر چمنسز ئولدی بالام
دیار غربت ایچینده وطن‌سیز ئولدی بالام
نجه دیوم سنه قارداش کفن‌سیز ئولدی بالام
کفن رقیه‌مه ایتدوم او کهنه پیرهنین
مزاره قویدوم اونون قمچی یاندیران بدنین
.
.
دینمرم سنه قلبیم نجه مکدّر اولوب
نقدر برگ گلوم بو خزاندا پرپر الوب
تمام النلریمه تک بو قیز برابر اولوب
یانوخلی قلبمی یاندوردی ویردی یغمایه
شباهتی چوخ اولوبدور آناسی زهرایه
.
.
خزان یتنده یتر رخنه باغبان گلنه
داغلیدی گلشن دین غم یتشدی بلبلینه
یانار ئورک آتام اوغلی رقیه نسگلنه
بیر آه چکدی بالام کائناتی آغلاتدی
آجام آجام دیدی آج یومدی گوزلرین یاتدی
.
.
اویاتماق اولدی منیم قلبیمی دایاندوردی
ئوزی او او دایانوب عمه‌سینده یاندوردی
الن زمان منه ایتدی اشاره آندوردی
اشاره‌سی او قزین او سالوب منیم جانیما
که یعنی من ئولورم گلمدی بابام یانما
.
.
دیدی بابام سالوب عمه بله فراقه منی
چوخ ایسته‌مور گتورن وقتدن عراقه منی
ئولن زماندا گلوب آلمادی قوجاقه منی
بابام ندن منی یاندوردی ئوز فراقنده
بو نسگلیم واریدی جان ویرم قوجاقنده
.
.
بلی حسین ئورگیم دوندی شامده قانه
رقیه شمعدی منده او شمعه پروانه
گتوردی شامون عذابی منی داخی جانه
گچن گچوبدی حسین حال اصغرون نجه‌دی؟
وفالی قاسم و عباس و اکبرون نجه‌دی؟
.
.
نظاره قیل نجه گور اهلبیت آچوب باشین
بیریسی اوغلونی اوخشور بیریسی قارداشین
اوغول مزارنه مادر توکور گوزون یاشین
کنار شطده کلثومی گور باتوب یاسه
قوجاقلیوب بالاجا قبری آغلور عباسه
.
.
دیور که گلمیشم احوالوی بیلم قارداش
مدینیه گیدورم قوللاری قلم قارداش
ب ...