دایان گیتمه ناقه دن منی
سالدی ساربان عمه
بالون قالوب قورخولی چولده
گیتمه مهربان عمه
باغریم اولدی قان عمه (2)
گیجه وقتی قورخولی صحرا عمه قورخمیوم نیلوم
اوزوم اوشاق قالمیشام تنها عمه قورخمیوم نیلوم
اولور هردم وحشتیم عظما عمه قورخمیوم نیلوم
ایدوب زبس بیم و واهمه قلبیمی مکان عمه
نچون منی تک قویوب گیدوب اکبر ملک طلعت
نچون منی یاده سالمیور اول جوان مه صورت
یوخونناشوب زهره چاک ایده بو یتیمه نی وحشت
قالوب هاردا دادیمه گلسون اکبر جوان عمه
ندن منیم دادیمه مگر گلمیور عموم عباس
گورور منی بیله خونجگر گلمیور عموم عباس
اولور گوزده روی جلوه گر گلمیور عموم عباس
نیه گلوب مهر لطفینی وئرمیور نشان عمه
یتیشمه سه دادیمه منیم پادشاه دین اولم
منی یاده سالماسا بابام عمه جان یقین اولم
وئرور نالم اوز سیسمه سس عاقبت یقین اولم
سالوب گوزدن نازدانه سین شاه انس و جان عمه
اولوب ناصر نیزده سنگین رأس شاه مظلومان
ایدوب او شهزادنون غمین کاروانه تا اعلان
بیلیندیروب وار خطاب ایدن زینبی جگر سوزان
دایان گیتمه ناقه دن منی سالدی ساربان عمه
- پنج شنبه
- 28
- شهریور
- 1398
- ساعت
- 9:50
- نوشته شده توسط
- علیرضا گودرزی
- شاعر:
-
مرحوم ناصر اردبیلی
ارسال دیدگاه