• جمعه 10 فروردین 03


راه شام زبانحال حضرت رقیه سلام الله علیها با سر مقدس امام حسین علیه السلام -(باخ بیراسیرعیالیوه ای میر قافله )

530
-1

باخ بیراسیرعیالیوه ای میر قافله 
سندن صورا دوشوب ایشیمیز خیلِ مشکله 
هر وقت ناقه دن دوشرم شمر دون ویرار 
چوخ اینجیدینله بسکه، اولور تنگ حوصله 
کسدی دوشاخه بوینومی ” آثار رحم یوخ 
بوللم که اولدورر منی بوشمر و حرمله 
ازبسکه تازیانه و سیلی ویروبدولار 
شمر و سنان گلنده، دوشر جانه زلزله 
شهزادیم و یا اسیر فرنگ و روم 
ویرمازلار هیچ اسیری دوشن وقت منزله 
چوخلاراسیراولوبدی جهاندا بوقدروار 
هیچکس چکیلمیوبدی منیم تک محافله 
ابن زیاد مجلسی چیخماز خیالیدن 
گربو جهان خراب اولونا تازه دن گله 
اول حجازده دولانوردوم نه نازیله 
ایمدی ایاق یالین، باش بلالی دوشموشم چوله 
هر دم ویراندا شمر  دئیر خارجی قیزی 
چوخ آغلاما که تنگه گلوب اهل قافله 
مندن صبا سلام یتور عرض قیل اونا 
یا مرتضی علی گل عیالون خلاص ایله 
هر قدر ویرسالار منی، من تاب ایلرم 
ای امیر قافله سنه هیچ ایتمرم گله 
مشتاقدور(ذلیل) گله توزلی قبریوه 
یا رب نصیب ایله و لو چوخدی فاصله 

  • یکشنبه
  • 31
  • شهریور
  • 1398
  • ساعت
  • 14:15
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران