سنه جانیم اولا فدا رقیه
سائلووه ایله عطا رقیه
ائو کرم اللری باشیمین اوستن چکمه یا رقیه
گلدی گنه سنون درگهووه گدا
بیر باخیشووا مین حاتم اولا فدا
یارقیه جان مدد مدد مدد
سنینی آز ولی
جلالتی اوجا
بالاجا اللری
اولان گره گشا
خانم رقیه جان
شهرتی عالمی دوتان سراسر
عموسی باباسی جنانه سرور
سیرتی صورتی بیوک آناسی فاطمیه بنذر
آدی سینیق اورکده دیری قالان
عشقی شیعه لر آرا طنطنه سالان
یا رقیه جان مدد مدد مدد
دیلده عشقووی
همیشه بسلرم
اولاندا حاجتیم
آدووی سسلرم
خانم رقیه جان
دعانی مستجاب ائدندی آدون
سالان اورکلره نوادی آدون
خلوصیلن آدووی ذکر ائدنه جلا ورر آدون
کیم سنه سینه وورا محترم اولار
سینه سی گوزل آدووا حرم اولار
یا رقیه جان مدد مدد مدد
ای خرابه دن
جهانه ناز ائدن
بساطِ عشقی اوچ
یاشیندا ساز ائدن
خانم رقیه جان
الیَن عالمی شانینه حیران
باتان ایاقینه خارِ مغیلان
حالوا وار یری آغلیا دریا آغلیا بیابان
آهی خرابه ده عرشه اوجالان
یارالی باشا گزی دوشنده قوجالان
یا رقیه جان مدد مدد مدد
جان دوداقینه
خرابه ده گلن
الان زمان اونا
تاپیلمیان کفن
خانم رقیه جان
- چهارشنبه
- 17
- مهر
- 1398
- ساعت
- 10:40
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه