• چهارشنبه 1 آبان 98


متن شعر ترکی «زبانحال عُلیامخدره بربالین امام حسن(ع)» -(آچ گوزون ای نگار زهرا )

17

آچ گوزون ای نگار زهرا 
آز منی هجر اودوندا یاندیر 
دور ایاقه صفای قلبیم 
زینبی باشیوه دولاندیر 
زهرِ کین – ساغر 
قلبیوی ائدوب قان یارالی 
زینبون – دوغرانان 
دیل دوداقه قربان یارالی 
حسن جانم – حسن جانم ... 
زهرکین ائتدی باغریوی قان 
سالدی بو غم منی ایاقدان 
کیم بو حاله سنی سالوبدی 
ای گل سینه چاک رضوان 
زینبِ – بی کسه 
غم غم اوسته قارداش گله جاق 
بیرده کیم – قاسمین 
گوزیاشین گوزوندن سیله جاق 
حسن جانم – حسن جانم ... 
آچ گوزون ای قرارِ حیدر 
منظرِ طلعت پیمبر 
کوچه نین شرحینی حسن جان 
بیرده سویله ئوزون برادر 
شرح وئر – کوچه ده 
کیم آنامیزی درده سالوب 
گلشنِ – عترتین 
کیم طراوتین الدن آلوب 
حسن جانم – حسن جانم ... 
کاش او گون عالم اودلانیدی 
سینه لر ازدم اودلانیدی 
کوچه ده کیم ووروب آنامی 
اود دوتوب اللری یانیدی 
عاقبت – زهرِ کین 
وصل ائدوب سنی قافلیه 
بو گئجه – اولاسان 
همجوار آنام فاطمیه 
حسن جانم – حسن جانم ... 
جام صبریم جالاندی قارداش 
غم غم اوسته قالاندی قارداش 
صبر ائله تا گله حسینیم 
قارداشین باغری قاندی قارداش 
بو قرا – دن صورا 
کربلا قراسی منه وار 
فلکین – اوردا بیر 
آیری ماجراسی منه وار 
حسن جانم – حسن جانم ... 
یاز«مصیّب»،صفا،حسن دی 
جلوۀ قُلْ کَفیꞌ حسن دی 
خلقاً و خُلقاً عین طاها 
حُسن طاها نما حسن دی 
آقامین – سائلی 
تیرِ عشقینی قلبه ساچار 
حاجتین – آلماقا 
اللرین بو درگاهه آچار 
حسن جانم – حسن جانم ... 

  • چهارشنبه
  • 17
  • مهر
  • 1398
  • ساعت
  • 15:13
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران