خرابه ده سرشکیمی
عذاره باغلارام بی بی
اسیردام محنتم
اولونجه آغلارام بی بی
.
خبریوخدی نه آتامدان نه قارداشیمدان
ایدون آگه اکبریمی بوگوزیاشیمدان
چاغیردیم من هرزمان ایستکلی بابامی
جوابینده قمچی ویردی دشمن باشیمدان
.
یتیمم اسیرم یتیمم اسیرم
.
.
.
.
.
بودهریدن گیلیلیم
زمانه دن یورولموشام
بابام حسینه ویرخبر
دوگولموشم سویولموشام
.
سالوبدی دیلدن منی ضرب تازیانه
سالوررعشه سوزش آهیم آسمانه
دعاایله من گوروم بیرده قانلی باشی
اگراولسمده اونی ویرمم ناکسانه
.
یتیمم اسیرم یتیمم اسیرم
.
.
.
.
.
خرابه ده چیخارجانیم
نه دینمرم دانیشمارام
بواهل شامیلن بی بی
اولونجه من باریشمارام
.
خزان ویردی سولدی ظلمیله گلستانیم
منیمده زهراکیمی یاندی آستانیم
بوویرانه آگهم آخرمنزلیمدی
بویردی عمه منیم غملی آشیانیم
.
یتیمم اسیرم یتیمم اسیرم
.
.
.
.
.
پری سینان قناری تک
سیزیلدارام خرابه ده
گرک بوشامون اهلینی
اوتاندرام خرابه ده
.
خزان ویردی باغ آمالیم غمله سولدی
دگنده سیلی گوزیمه قان لخته دولدی
اوچ ایل عمر ایتدیم بی بی ناز وعزتیله
ولی افسوس آخری بختیم قاره اولدی
.
یتیمم اسیرم یتیمم اسیرم
.
.
.
.
.
جواب حضرت زینب (س)
.
بوقدری یوللاراباخیب
قان آغلامارقیه جان
ننم مثال دیزلرون
قوجاقلامارقیه جان
.
آنام زهرانی سالوریاده آغلاماقون
عذاره قانیاش قراگوزدن باغلاماقون
بیبون اولسون یوللاراباخمایانه یانه
سولوبدی گل تک مصیبتدن دیل دوداقون
.
بالام یات رقیه گلوم یات رقیه
.
.
.
.
.
سنون کیمی گیلیلیم
منده قیزیم زمانه دن
منیمده قوللاریم یانور
جفای تازیانه دن
.
اوره کدن اوج ایلیورآهیم آسمانه
اثر ایلورسوزش آهیم کهکشانه
باشیمداگتسه سنه آللام قانلی باشی
کسوک باش درماندی دلده درد نهانه
.
بالام یات رقیه گلوم یات رقیه
.
.
.
.
.
بهارعمرون آی گوزل
جفاییلن اولوب خزان
نیه گرک دانیشمیا
سنون کیمی شیرین زبان
.
دانیش منلن ای حسینون زیبا مارالی
منی دیندیرباغ حسنون یورقون غزالی
هاراگتسم آخری سنلن همجوارم
آنام جانی قالمارام سندن من آرالی
.
بالام یات رقیه گلوم یات رقیه
.
.
.
.
.
گوزل سسون گوزل بالا
بلبللری اوتاندیرار
خرابه ده سیزیلتووبن
سسی جهانی یاندیرار
.
جانیم قربان لاله لرتک سولموش عذاره
فلک سالدی سن کیمی جیرانی حصاره
شررویرماغملی سوزلرله داغلی قلبه
دیمه عمه آخری اولدوم بختی قاره
.
بالام یات رقیه گلوم یات رقیه
- جمعه
- 19
- مهر
- 1398
- ساعت
- 15:51
- نوشته شده توسط
- علیرضا گودرزی
- شاعر:
-
محمدرضا محمدی (ناعم)
ارسال دیدگاه