ای اختر عصمت ، ماه خرابه
دور یاتما رحم ایله ، بیکس ربابه
.
قربان اولوم – دور صبریمی – آلما رقیه
ائللر گئدور – ویرانه ده – قالما رقیه
.
زنجیره باغلی قوللار آچیلدی
قورتاردی محنت یوللار آچیلدی
.
.
.
.
.
عالمده یولداشون ، درد و غم اولدی
ویرانسرا آیری ، بیر عالم اولدی
سینم بو غم داغلار ، زهرا ننم تک
درد و ملالون چوخ ، عمرون آز اولدی
.
گون گورمدون – سن خانه – صبریم یئخیلدی
ئولدون دلِ – ویرانه ده – قلبیم سئخلدی
.
سن جان وئرنده سوندی چراغیم
وطنه سنیز گلمور ایاقیم
.
.
.
.
.
سنله قیزیم گلدیم ، شام بلایه
سن آغلیاندا من ، گلدیم نوایه
آزاد اولور ائللر ، بو غمسرادن
دور سنده منلن گل ، کرب و بلایه
.
ای نازنین – قارداشیمون – نازلی بالاسی
سنسیز قیزیم – بو عالمون – یوخدور صفاسی
.
دورسان دوباره آللام قوجاقه
تاب و توانیم یوخدور فراقه
.
.
.
.
.
محنت یاغور قلبیم ، دیواره سیندن
دویدون نه تئز بو غم ، آواره سیندن
زجرون سنه ظلمی ، والله چوخ اولدی
سئندی بالا قلبون ، دیل یاره سیندن
.
شامون حیاسیز قیزلاری – آرامون آلدی
چوخ نیسگیلون – بیللم بالا – سینونده قالدی
.
اولدی آز عمرون دردون گواهی
ظلمی یئخاندی مظلومین آهی
- جمعه
- 19
- مهر
- 1398
- ساعت
- 16:32
- نوشته شده توسط
- علیرضا گودرزی
- شاعر:
-
ابوالفضل عباسی معروفان
ارسال دیدگاه