سبک :: زینبم جان اوستیم جانانی گوزلر گوزلریم ... کربلا ئوز ائتدیگیم پیمانه خاطر گلمیشم ...
.
مرحوم خوندل تبریزی
.
قبرون اوسته اولین زائر حبیبی یا حسین
نوکرین دور بو قوجا جابر حبیبی یا حسین
.
.
سیدی چون خط سیرون شاهراه عشقیدور
آستانون تا جهان وار قبله گاه عشقدور
اهل عشقه تربت پاکون گواه عشقدور
باطن اسراری ائدر ظاهر حبیبی یا حسین
.
.
سیدی گوردوم گوزل تاثیری وار کام آلماقین
آخرین بولدوم عبث کوینده حیران قالماقین
ایگلدیم اوپدوم بو صحرانون مقدس توپراقین
قبروی تاپدیم سنین اخر حبیبی یا حسین
.
.
سیدی یوخدور گوزوم وار دلده بو غمدن کدر
دیل گوزیله سالدیم اما کربلایه بیر نظر
گوردوم انوار خدانی قبرون اوسته جلوه گر
ایلدون حقه منی ناظر حبیبی یا حسین
.
.
سیدی بو آستانه باغلیوب دنیا امید
وار او اصل اوسته منیم قلبیمده بیر دنیا امید
اوز غلامیندور گل ائتمه درگهوندن ناامید
گوگلون آل پیغمبره خاطر حبیبی یا حسین
.
.
سیدی درک ائتمدیم گرچه شهادت فیضینی
لشگرون تک تاپمادیم من بو سعادت فیضینی
آلدیم اما قبر پاکوندان زیارت فیضینی
حقه لازمدور اولام شاکر حبیبی یا حسین
.
.
سیدی چون سنده وار چشم امید ماسوا
بیر نظر لطفیله باخ ای نور چشم مصطفی
هر ایکی دنیا او باخماق دردیمه ائتسون دوا
ای حبیب خالق قادر حبیبی یا حسین
.
.
سیدی قانیله بو صحرانی رنگین ایلدون
محنتونده خاطر زهرانی غمگین ایلدون
تا دم محشر قوام دینی تضمین ایلدون
دین حقه ای گوزل ناصر حبیبی یا حسین
.
.
سیدی درک ایلدوم بیر عمر جدون محضرون
یاندیم اما فرقتونده بیر زمان اول سرورین
تربتونده آلدیم ایمدی عطرونی پیغمبرون
هجرونه اولام گینه صابر حبیبی یا حسین
.
.
سیدی بزم وصالون شاهد زیباسی سن
گوهر کنز محبت سن وفا دیّارسی سن
سن ئوزون بیر پاک گلزارون گل رعناسی سن
مدفنون دور طیب و طاهر حبیبی یا حسین
.
.
سیدی دیلده او قبر اوسته گلوب از بس دیله
کربلایه گلدی تا یتدی او پوزقون قافله
سید سجاد امر ائتدی او پیر کامله
گل کنار اول آز دی یا جابر حبیبی یا حسین
.
.
زینب کبری او قبره یوز قویوب افسرده حال
عرض ائدوب قارداش حبیب ایلر حبیبه عرض حال
عالم هجرین قوتاردی تاپموشام فیض وصال
محضرونده اولموشام حاضر حبیبی یا حسین
.
.
بو سفرده گورموشم چوخ چوخ ریاضت گلمیشم
صبریمی الدن آلیب شوق زیارت گلمیشم
بیر رقیه گلمیوب اوندان خجالت گلمیشم
اولمیبدور قبریوه زائر حبیبی یا حسین
.
.
گر چه درباروندا وار شاعرلرین چوخ خدمتی
هرکسین اولسون گرک اوز قدرتیجه شرکتی
#خوندل اما عجزی وار آغلار چکر چوخ خجلتی
بیر نفر عاشقدی نه شاعر حبیبی یا حسین
.
.
- پنج شنبه
- 25
- مهر
- 1398
- ساعت
- 13:15
- نوشته شده توسط
- ابوالفضل عابدی پور
- شاعر:
-
حاج حیدر خوندل
ارسال دیدگاه