طسبک : کربلا میخوام ابالفضل
.
ای آنام بتولین نشانه سی آچ گوزون اویان حسین جان
قدی خم باجون شام شومیدن قبروه گلوبدی مهمان
نی مثلی نوالی یم
یا حسین عزالی یم
.
.
.
من همان وفا کانی زینبم عهدیمی باشا یتیردیم
گوزیاشیملا بوکربلاده بیر گلشن وفا بیتیردیم
دور ایاقه ای شاه تشنه لب قبرون اوسته سو گتیردیم
بوندان آرتیق ای تشنه جان وئرن یاتما قبریده لب عطشان
نی مثلی نوالی یم
یاحسین عزالی یم
.
.
.
غصه دن سارالمیش یوزه حسین گوزیاشیم اولوب روانه
قبروون کنارینده آغلورام ال اورکده یانه یانه
قولاریندا وار زینبین هله تازیانه دن نشانه
آغدی ساچلاریم معجریم قرا قامتیم کمان اورک قان
نی مثلی نوالی یم
یاحسین عزالی یم
.
.
.
دورایاقه ای دست ظلمله باشی آیریلان بدنن
خیمه لریانان صورا حسین قتلگاه ایچینده دشمن
تازیانه ئیله ویراویرا زینبی آیردی سنن
قتلگهدن آیریلماقیم حسین چیخماز هیچ زمان یادیمنان
.
نی مثلی نوالی یم
یاحسین عزالی یم
.
.
.
غم چکوب فراقونده یا حسین گورنجه قوجالمیشام من
دشمنان بی رحمه یالواریب کوینگوی آلمیشام من
اوخلی کوینگی آلتی گوشه لی قبرون اوسته سالمیشام من
ای قالان یارالی جنازه سی ایستی قوملار اوسته عریان
نی مثلی نوالی یم
یا حسین عزالی یم
.
.
.
بیلمورم سنه ایندی هانسی آلامیدن دیوم برادر
کوفه دن ویا که مصیبت شامیدن دیوم برادر
قوی سنه بیر آز مردم لب بامیدن دیوم برادر
بامیلردن اود توکدی باشیمه شامیده اوقوم نادان
نی مثلی نوالی یم
یاحسین عزالی یم
.
.
.
- سه شنبه
- 30
- مهر
- 1398
- ساعت
- 16:16
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه