ای مدینه آدلانان صدیقۀ کبری منم
حضرت طاها قیزی انسیة الحورا منم
جنته اهل ولانی یول وئرن فردا منم
اون بیرعیسانین ائدن سرمشقینی امضا منم
دینه رکنم، جسمه جانم ،کوثره  معنا منم
قدری پیدا خلقه  اماقبری ناپیدا منم
.
.
عالم جاندا اولان جانانیه ریحانه یم
عصمتین دریای بی پایانینه دردانه یم
مرتضی نورحقیقت من اونا پروانه یم
استقامت بحری ام فکرایلمه افسانه یم
ایلین بیرخطبه ده دشمنلری رسوا منم
قدری پیداخلقه اما قبری ناپیدا منم
.
.
اوّلین شخصیت عالم منه مادر دئیوب
شأنیمی جنتده کی نسوانیدن برتر دئیوب
من همانم فاتح خیبر منه همسر دئیوب
مدحیمی قرآنیده چوخ سوره ده داور دئیوب
انبیاده هرنه وار آئینه سی یکجا منم
قدری پیدا خلقه اما قبری ناپیدا منم
.
.
جان بکف ثاراللهی اللهه تقدیم ایلدیم
زینبه کرب وبلانی ایوده ترسیم ایلدیم
کلمه کلمه خطبه سین عشقیله تنظیم ایلدیم
شام تسخیرین اونا درسینده تفهیم ایلدیم
رهبر ارزنده جاه زینب کبری منم
قدری پیداخلقه اماقبری ناپیدامنم
.
.
حجره مون نورینده کعبه مشعل عزت تاپوپ
مصحفیم قرآن سیاقی دهریده شهرت تاپوپ
خلقتیمدن گویده کی گون فرصت طلعت تاپوپ
درگهیمده فضه خدمت ایلیوب دولت تاپوپ
کیمیانی فضه یه  تعلیم ائدن زهرا منم
قدری پیداخلقه اماقبری ناپیدا منم
.
.
طوی گونونده سائله کوینک وئروب شاد ایلدیم
حاصل ملک فدکدن بنده آزاد ایلدیم
زینبی قرآنیله احکامه استاد ایلدیم
سینه یاره اولین مظلومه امداد ایلدیم
اولین یار علیِّ عالیِ اعلا منم
قدری پیدا خلقه اما قبری ناپیدا منم
.
.
اهل یثرب حیدری مظلوم ائدوبلر برملا
باغلیاندا قولارین آغلاشدی ارضیله سما
مردی نامرده گرفتار ایلدی دست جفا
اوندا باشلاندی بلای راهیان کربلا
واحسینا دیلده آرام ایلین نجوا منم
قدری پیدا خلقه اما قبری ناپیدا منم
.
.
اهل کوفه بیلمدی هچ دوره ده حق نمک
 وئردی گویا ال جماعتله اوگون دست  فلک
گوردیلر بیرایش گلوبدور نالیه گویده ملک
آغلادی مقتلده کی سلطانه دریاده سمک
کربلاده شاهد توفان عاشورا منم
قدری پیدا خلقه اما قبری ناپیدا منم
.
.
بیریارالی پیکره یاره مکرر ووردیلار
آهوان خسته یه دام عداوت قوردیلار
گوز ووریم آندا خیام عصمتی یاندیردیلار
غارته خاطرعناد اهلی یول اوسته دوردولار
بی کمک قیزلاره اول صحراده کی همپا منم
قدری پیدا خلقه اما قبری ناپیدا منم
.
.
بیرقیزی گوردوم که تعقیب ایلیوردی اون نفر
نیت غارتله اوینوردی ال اوسته قمچیلر
میزبانلار بی مروت میهمان آسیمه سر
قمچی لر اندی اولوبدور نازدانه جان بسر
فکرائدیردیم جان وئرن اول حالیده گویا منم
قدری پیدا خلقه اما قبری ناپیدا منم
.