الله الله الله فرشه دولدی زمزمه
سسلیور منادی زهرا گلدی عالمه
.
ائله کی دنیایه آچوب گوز”سر به سر عالم فرحلنوب
ملکوت اهلی ئوپلر قونداقه سینی عرشیدن انوب
.
ام ابیها یا فاطمه  ام ابیها یا فاطمه
.
درده درماندی فاطمه
فخر نسواندی فاطمه
هستی و جان و دلبر
شاه مرداندی فاطمه
.
ئورگیم لوحینده ازلدن فخر ائدرم حکدی فاطمه
آند اولا اربابیم حسینه یوخدی تایی تکدی فاطمه
.
(مددی یا حضرت زهرا ای گل طاها مدد خانم)
.
.
.
عالمه عزیز رب العالمین گلوب
ختم الانبیایه یعنی نور عین گلوب
طاقت و قرار سالار حنین گلوب
عاشقان بشارت چون ام الحسین گلوب
.
هل اتی و نوره دلیل و مظهر کوثردی فاطمه
شوکته باخ یکه سوار عرصه ی محشردی فاطمه
.
ام ابیها یا فاطمه ام ابیها یا فاطمه
.
تانینوب گویده کوثره
آدی زینتدی گویلره
بو گولی حی لم یزل
ائدوب اعطا پیمبره
.
سربه سر ایمان و حیادی گوهر بحر شرفدی بو
شوکت و اجلالینه باخ همکفو امیرنجفدی بو
.
(مددی یا حضرت زهرا ای گل طاها مدد خانم)
.
.
.
جنت و جحیمین معیار و تمیزیدی
کف لا فتادی طاهانین عزیزیدی
وادی شرفده مریملر کنیزیدی
مفخر الائمه بانوی حجیزیدی
.
نقدر عمرم اولا دنیاده بونی فخریله سسلرم
گل طاها ام ابیها حضرت زهرایه نوکرم
.
ام ابیها یا فاطمه ام ابیها یا فاطمه
.
ملکوت اهلی زمزمه
ائلیور اهل عالمه
مژده عشاق حیدری
بو گجه گلدی فاطمه
.
بضعه طاهادی بو دردانه تایی گلمز بوعالمه
بو ندا دنیایه دولوب ای اهل جهان گلدی فاطمه
.
(مددی یا حضرت زهرا ای گل طاها مدد خانم)
.
.
.
بیر خانمدی جمله عالم ریز خاریدی
بیر خانیمدی داغلار حیران وقاریدی
بیر خانیمدی زهرا گون آئینه داریدی
قلب مرتضانون آرام و قراریدی
.
بو گئجه مشمول عنایت ایلدی الله پیمبری
اوخیولر گویده ملکلر شوقیله آیات کوثری
.
ام ابیها یا فاطمه  ام ابیها یا فاطمه
.
هامی درده دوا اولوب
غصه دن دیل رها اولوب
اهل عالم خبر خبر
کی پیمبر بابا اولوب
.
خانیمین من بو گوزل آدین هر ایکی دنیایه وئرمرم
نه سسیم وار سسلیرم عالم بیله زهرایه نوکرم
.
(مددی یا حضرت زهرا ای گل طاها مدد خانم)
.
.
.
فاطمه زکیه صدیقه لقبدی بو
طاهره عفیفه عالیه نصبدی بو
خیرت النسادی سرشار ادبدی بو
هم تراز حیدر سالار عربدی بو
.
فاطمه شایسته آنادی ان بیر امام مطهره
روز میلادی بو سببدن شهره اولوب روز مادره
.
(مددی یا حضرت زهرا ای گل طاها مدد خانم)
.