به سبک(اویان ای یار وفاداریم اویان...)
لای لای ای اگنینه قاره گینیم
لای لای ای اصغره لایلای دینیم
قویورام قبریده راحت یاتاسان
آی دویونجا باباسین گورمینیم
اورگی یاره بالا - کفنی قاره بالا
من ئولونجه سنه لای لای چالارام
اوز الیمنن بالا قبرون قازارام
دوراسـان آنـد اولا اکبر جانینا
سنه گوشواره قـیزیم من آلارام
اورگی یاره بالا - کفنی قاره بالا
دور بو درده ایله بیر چاره قیزیم
گلنیم یوخدی دای امداده قیزیم
گـئجه وقتی بو یورولمـوش بدنه
تاپوم هاردان سنه غساله قیزیم
اورگی یاره بالا - کفنی قاره بالا
یاتما دور بیرده گوروم من بویووی
قیزلار آلسین گئنه صاق و صولوی
گئدیسن جنته زهـرایه قوناق
قویماگورسین بوگویرمیش قولوی
اورگی یاره بالا - کفنی قاره بالا
غم و غصه او قدر اوتموشیدون
بوغاز آغری گوزلیم توتموشیدون
خیمه لر غارت اولاننان بیلورم
شمریلن حرمله دن قورتموشیدون
اورگی یاره بالا - کفنی قاره بالا
- چهارشنبه
- ۲۸
- آبان
- ۱۳۹۹
- ساعت
- ۱۲:۲۱
- نوشته شده توسط
- یوسف اکبری
ارسال دیدگاه