نجه مجلس کی اولوب زینبه کانون بلا
یغیشیب مجلسه یکسر سفرا و وزراء
اوج ائدیب گرمی بازار وکیل و وکلاء
وار اقلیتِ نصرانی و ترسا و جهود
مجلس فتحیدی گویا اوخونور شعرو سرود
اوتوروب تخت خلافتده زنازاده یزید
آچدی شوم آغزینی گفتاره او ملعون و پلید
دل آفاقه شرر سالدی او شیطانه مرید
دیدی حمد ایلیرم اللهی حسین اولدی حقیر
یار و انصاری ئولیبدی قالانی گلدی اسیر
طبقِ زرده حسینین باشینا سالدی نظر
بو همان کسدی دیدی بیعتیمه ائدی حذر
یارادیب یتمیش ایکی یاریلن اسلامه خطر
خیزران الده کسیک باشی ویریب دست ستم
دایانا بیلمه دی زینب ایاقا دوردی اودم
دیدی یابن الطلقاء ائتمه جفا قارداشیما
آند اولا آه رقییله آخان گوز یاشیما
ایله رم زیر و زبر مجلسیوی تک باشیما
فکر خام ایله مه قول باغلیام ای دیو شیم
من علینین قیزی،"غیرتده ولی مین کیشیم"
من اوشاقلیقدان علی مکتبینین زنده سیم
آسمان شرفین کوکب رخشنده سیم
عالمه فخر ائده رم فاطمه زیبنده سیم
من او شخصین قیزیام دوتدی گرامی یارادان
شأنینه ذات ازل کعبه نی یاردی آرادان
سیندیرار مرغ حقیقت دوزه بیلمز قفسی
بیزلره فخریدی عالمده شهادت هوسی
زینببن دهریده آللهدی مدد کار و کسی
ایسته سم پنجه ی ایمانیله قلبون سیخارام
سوز آهیمله یزید قصریوی درجا ییخارام
- پنج شنبه
- 29
- آبان
- 1399
- ساعت
- 20:13
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه