الهی اروجلوقدا مهمــــــانیوم
سن امر ایله،من، تَحتِ فرمانیوم
بولود تک یاغیر درگهونده گوزوم
بیلورسن نجه روسیاهم ئوزوم
سنه بنده‌لیک رشته‌سین قیرمیشام
گناه ایلییوب توبه سیندیرمیشام
اسیر اولموشام نفس اَمّاره یه
بو آه و فغانیم چیخوبدی گویه
آلوب بار عصیان منیم جانیمی
دوتوب لَکّه هر لحظه دامانیمی
الهی یوزی قاره بیر بنده یم
کرم قیل منه، چونکه شرمنده یم
اگر باخماسان، ناریوه یانمیشام
کرم قیلماسان، اوتدا، اودلانمیشام
حضورینده غرق گناهم یقین
الیمدن یاپوش، بی پناهم یقین
بو آیدا باغیشلا رضایه منی
قوناق ایله سن مرتضایه منی
- دوشنبه
- 10
- آذر
- 1399
- ساعت
- 22:55
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه