حسینون عاشقی بو دهریدن وقار آپارار
عزیز فاطمه دن، لطف بی شمار آپارار

حسینی دوز تانییان ذرّه کج یولا گئتمز
طلای خالص اولار محشره عیار آپارار

توکنده گوز یاشین اخلاصیله مجالسده
گلر ملک لر او گوز یاشلارین یغار آپارار

دئمه بو گوز یاشی بیهوده دور من آغلامارام
بوتون گناهیوی بیر قطره سی یووار آپارار

ولی بو شرطیله که حقّ ناسی رد ایده سن
تاپولسا مدّعی بیل الدن اختیار آپارار

خدا اوزی بویوروب گئچمرم من حقّ الناس
گلنده صاحب حق حقّینی آلار آپارار

حسین آدی دل آچانّان دیلیمین ازبریدی
« ستوده » نوکر اولان رتبه صد هزار آپارار