اي آشنا بو محفل درد آشنايه گل
صدقيله كوي مهرو وفا وصفايه گل
گيتمه خطا يولون نظر ائت يوم محشره
باخ اورداكي سوال و جواب و جزايه گل
اي توش اولان جهاندا غم بيكرانيه
سن كشتي نجات حق كبريايه گل
گوز ياشويله پاك ايله آلوده دامني
عالم بوئي دوشوبسان اگرچه خطايه گل
گرشيعه سن حسينه واروندور ارادتون
شوقيله بزم عترت آل عبايه گل
گر ايستسون باشون اوجالا عرشه فرشيدن
اخلا صيلن عزاي شه نينوايه گل
عشق حسين مداليدي صادق حسينچيه
محتاج اولان بو عزّت بي انتهايه گل
آدلان حسين آديلا جهاندا كه فخريدور
كسب ائتماقا بو رتبه ني ني تك نوايه گل
عفو ايلير آقام اودي درياي معرفت
پاك اولماق ايستسون يم جود و سخايه گل
هريرده آد حسيندن اولا بزم عشقيدور
عاشق كيمين بو محفل عشق و صفايه گل
هرير نچونكه كرب و بلا دي حسينچيه
اوخشاد بو بزمي سنده گوزل كربلايه گل
عشقيله بزم شاه شهيدانه قوي قدم
نار غمينده آه و نوا و صدايه گل
پور علي عزا سينه عزم ايله عشقيله
وارحاجتون گلنده گوتور ال دعايه گل
ايودن چيخاندا نيّت پاكيله دوش يولا
صدقيله ماتم شه مُلك ولايه گل
ورما منم منم داشين هر یرده سینیه
گل مُخلصانه انجمن بي ريايه گل
هر يرده قاره پرچم اولا دال دالان اونا
امنيت ايستسون بئله تحت لوايه گل
گرعمده دردون اولسا اورگده بيان ايله
دردون شفاسين آلماقا دارالشّفايه گل
باخما حسينه شك ايلين بي حيالره
عاشق كيمين بو محفل درد آشنايه گل
پهلو يارالي فاطمه ده بوردا دور يقين
گوزياشلي تسليت ديمگه اُول آنايه گل
ياد ايله عشق و مهرو وفانون شهيديني
اوغلي ئولن آنا كيمي ديلدن نوايه گل
سال ياده اوچ ياشيندا بالاسين خرابه ده
سسلردي دم بدم بابا جانيم هرايه گل
دشمن سالوب حصار غمه يوخدي ياوريم
باش چكمگه بو بيكسه شام بلايه گل
سال يادوه بابا بو يتيمه رقيّه ني
غمدن اوجالموش آه و نواسي سمايه گل
گلزار عشقوون گولي بو شهر شاميده
ايستور ورقلنه گیده باد جفايه گل
یول یول ايدوبدي پيكريمي قمچي لر بابا
يوخ طاقتيم داخي ستم اشقيايه گل
باشيم بلاليدي هدفم طعن دشمنه
ايله نظر بوشاميده خصم دغايه گل
گرچه خرابه شاهلار زيبنده ير دگول
امّا عنايت ايله بو بيكس بالايه گل
آغلار گوزوم سني گزور آخشام اذان چاقي
لطف ايله بو خرابه ی محنت فزايه گل
دوشموش نفس شماريه قلبيم ياراليدي
شام ايچره باخگيلان سر پُرماجرايه گل
قلبيم يانوبدي نار فراقه مريضووم
وار احتياجيم ايندي طبيب و دوايه گل
گونلر ايوينده قالموشام حسرت خرابه ده
سال باشيم اوسته مهرو وفائيله سايه گل
هجرونده شامون ايچره اولوب گوندوزوم قرا
هرساعتيم دونوبدي گونه گونلر آيه گل
طعن و شمادته دوزرم هر مكانيده
يوخ معجریم نئجه دوزرم بو جفايه گل
گلسون خرابيه يولون اوسته خريده گيت
بيرقاره معجر آل صورا شام بلايه گل
گوزياشيلي من كيمي سنه آخوندي عرض ائدور
اي عالمه آقا سني زهرا هرايه گل
حسرتده قويما گوزلريني يوم حشريده
امداد ايله بو شاعر آل عبايه گل
غنچه ی زهرای اطهر با غم دوران شکفت
از غم بی منتهایش جز به ذات حق نگفت
شد در آن ویرانسرا نایل به دیدار پدر
برقدوم دلبرش جان داد ودر ویرانه خفت
- سه شنبه
- 18
- آذر
- 1399
- ساعت
- 23:37
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه