اسدی محرم پرچمی الله اکبر
گلدی حسینون ماتمی الله اکبر
حسین الله اکبر
الله گئنه گونلر گئچوب آیلار دولاندی
ماه محرم گلدی عالم قلبی یاندی
یئتمیش ایکی عاشق بو آی قانه بویاندی
جوشه گلوب قان زمزمی الله اکبر
حسین الله اکبر
بی تاب ئورکلر سینه ده احساسه گلدی
عرض ارادت ایلیه عباسه گلدی
زهراده اوغلوم وای دیلینده یاسه گلدی
یاندیردی آهی عالمی الله اکبر
حسین الله اکبر
دوغراندی عاشورا گونی شهزاده اکبر
دوشدی ابالفضلون قولی اوخلاندی اصغر
مظلوم حسینون حالینه یاندی ملکلر
درد و غم اولدی همدمی الله اکبر
حسین الله اکبر
اهل عزا بو آیدا باشه قاره باغلار
نوحه دیوب سینه وورانلار سینه داغلار
قان آغلیان گوزلر گوزل عباسه آغلار
سسلر او ماه علقمی الله اکبر
حسین الله اکبر
پایگاه حفظ و نشر آثار عبای معروفان اهری
- یکشنبه
- 23
- آذر
- 1399
- ساعت
- 15:19
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه