مسجد کوفه ده سلطان یخیلدی
سجده ده لنگر ایمان یخیلدی
محشر اولدی عیان محرابه حیدر
باشدا یاره جمالی قان یخیلدی
آه و واویلا مولا علی جان (۴ بار)
(تکرار در تمام بندها)
بیر قلنج یاره سی حیدر باشیندا
سان وئروب فاتح خیبر باشیندا
رستگارم دئدی فُزت ُ و َ رَبِّه
باش قویوب مقتله اللر باشیندا
سجده گاهی قانیندان باتدی قانه
اهل مسجد هامی گلدی فغانه
واعلی وا سسی عرشه اوجالدی
سینه ده غم اوتی چکدی زبانه
سسلنوب شیعه لر وای حیدر ئولدی
کوچه لرده دوشوب های حیدر ئولدی
هر طرفدن ندا گلدی یتیملر
منتظر قالمیون دای حیدر ئولدی
تا خبر چاتدی بیت مرتضایه
منزل حیدره غم سالدی سایه
مسجده ساری قاچدی اوچ بالاسی
زینبی غصه دن گلدی نوایه
مسجد ه چاتدی عباس و حسینی
بیرده مظلوم حسن اول نور عینی
گوردولر قان ایچینده غرق اولوبدی
سلطانِ مغربین و مشرقینی
سینه ده غم اوتی گوزلرده قانیاش
باشی اوسته او دمده آچدیلار باش
غیرتیندن ئوزون ئولدوردی عباس
آلدی آغوشینه قارداشی قارداش
بیر گِلیمه بوکوبلر اول غریبی
گتدیلر منزله یورقون حبیبی
باشی اوسته طبیبی گلدی اما
تاپمادی دردینه درمان طبیبی
پایگاه حفظ و نشر آثار عباسی معروفان اهری
- سه شنبه
- 25
- آذر
- 1399
- ساعت
- 20:49
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه