عباسیمون اوجا بویی واریدی
گؤزلریندن حیدره اوخشاریدی
من گؤرمدیم زینب دیور ابالفضل
یامان گونده قارداشینا یاریدی
غروب اولار قاپیلاری باغلارام
آخ چکرم ئورگیمی داغلارام
خیالیمده خاطره لر دولانار
گه عباسه گه حسینه آغلارام
منیم اوغلوم عبداللهین آتاسی
شهید اولوب آغلار قالیب بالاسی
فرات اوسته گؤزلرینه اوخ دگوب
منه گلسین گؤزلرینون قاداسی
سوار اولوب غم مرکبین پیلرم
عباس آدین هی دیلیمده سویلرم
گؤزل نوه م پرچم آلار الینه
باخوب اونا عباسی یاد ایلرم
کانال اشعار عباسی معروفان اهری
- دوشنبه
- 1
- دی
- 1399
- ساعت
- 23:38
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه