سبک ؛ یئخیلمیشام مقتله ....
یئخیلمیشام تپراقا
یئتیش هرایه آقا
لشکر اوخ آتدی گل
پرچمیم یاتدی گل
نوکر اولدی شرمنده گل
گلدی فاطمه سنده گل
کمکسیزم یالقیزام
دورانمورام قولسوزام
چوخ جفا چکمیشم
زینیدن دوشموشم
یوخدی قوللاریم تنده گل
نوکر اولدی شرمنده گل
گلوبدی بالینیمه حسین آنام فاطمه
ئورکده قان آغلیور منیم بو احوالیمه
اخا منه ال یتور ائیشیم تاپور خاتمه
دوت منیم دامنیم
گولمه سین دشمنیم
دوشموشم عجب بنده گل
گلدی فاطمه سنده گل
ووروللا دیل یاره سی چتیندی هر یاره دن
بو درده یوخدور دوا ال أوزموشم چاره دن
سو یوخ اخا قارداشون خجلدی بو باره دن
مشکیمه دگدی اوخ
شرمسار ائتدی چوخ
ایش قالیب خداونده گل
گلدی فاطمه سنده گل
گؤزومده قان موج ائدور گؤرنمورم یوللاری
بو سرو بالا قدین بدنده یوخ خوللاری
گلنده گؤرسن حسین یئره دوشن قوللاری
چوخ باخوب آغلاما
سینه می داغلاما
لبلرینده بیر خنده گل
گلدی فاطمه سنده گل
عمود نوفل منه عیان ائدوب محشری
خِیَمده آل اللهه آچیلدی غم بستری
بویور باجیم زینبه سالا قرا معجری
جان وئرور قارداشی
قان اولوب گؤزیاشی
ای مه فروزنده گل
گلدی فاطمه سنده گل
آچیلدی بازار عشق حسین بو سودایه گل
خیامی تئز ترک ائله بو قانلی ماوایه گل
باشیم اوجالسین منیم حضور زهرایه گل
من سنه عاشقم
گل اگر لایقم
ای شه برازنده گل
گلدی فاطمه سنده گل
کانال اشعار عباسی معروفان اهری (معروف)
- سه شنبه
- 2
- دی
- 1399
- ساعت
- 23:41
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه