یاور حرم قارداش
صاحب علم قارداش
ای سوسوز فرات اوسته
قوللاری قلم قارداش
آچ گؤزون .... صاحب علم قارداش
سن امید آل الله سن منیم پناهیمسن
سن وزیر درباریم میر و سر سپاهیمسن
آسمان غیرتده سن ایشقلی ماهیمسن
باتما ای مه تابان منبع کرم قارداش
آچ گؤزون ..... صاحب علم قارداس
دردوه دچارم من دردوی اخا بیللم
فکروه ئوزوم قاللام گؤزلرین قانین سیللم
دور چتین زمانیمدی آچماسام گؤزون ئوللم
ماه طلعتین والله ماهه وئرمرم قارداش
آچ گؤزون ..... صاحب علم قارداش
پرچمین یاتیب مشکین اوخلارا نشان اولدی
حال مضطرین گؤردوم گؤزیاشیم روان اولدی
تنگه گلمیشم آخر صبر ایوی تالان اولدی
باخ حسینی احوالین ائتدی قد خم فارداش
آچ گؤزون ..... صاحب علم قارداش
خیمه لرده یول گؤزلور الده جام آلان قیزلار
سسلیور عمو تئز گل تشنه لب آدامسیزلار
دور گئدک قیامتدی آغلاشور اوغولسوزلار
منده دردیمه درمان سندن ابسترم قارداش
آچ گؤزون ..... صاحب علم قارداش
کانال اشعار عباسی معروفان اهری
- سه شنبه
- 2
- دی
- 1399
- ساعت
- 23:43
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه