نهر اوسته خسته قارداش یاتما یاتما
گوزلریندن بو غریبی آتما آتما
دور با هم خیمه گاهه یول سالاق قارداش
ناگران زینبون گویلون آلاق قارداش
پرچم دوشموش اللریندن یئرده یئرده
قان چکمیش گوزلرینده پرده پرده
سالدین قارداش سن حسینی درده درده
قدّیم اگدین غمونده مهربان قارداش
باش آغاردی ماتمونده قهرمان قارداش
باغلانوبدور خیمه گاهه یوللار یوللار
سولموش سروین مثالی خوللار خوللار
دوشموش بدندن آیری یئرده قوللار قوللار
سو مشکن خالیدور دلدن گئدوب طاقت
غم ائتمه یوخ رقیم آچ گوزون راحت
ای بنی هاشم هلالی باتدون باتدون
سن قویوب تنها حسینی یاتدون یاتدون
تشنه لر فکرین باشیندان آتدون آتدون
رقیم ایندی آغلور سسلیور ایوای
ترپدور هی گاهواره هی چالور لایلای
قانه اشکیم گوزلریمده دوندی دوندی
شعله شمع امیدیم سوندی سوندی
دور بئلیم درد و غمیندن سئندی سئندی
شماتت تیری دلدی قلبیمی قارداش
آلدی الدن داع هجرون صبریمی قارداش
کانال اشعار عباسی معروفان اهری
- شنبه
- 6
- دی
- 1399
- ساعت
- 22:54
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه