گوز آچدي عالمه الله عليّ اكبريم گلدي
گل گلزار عشق ايچره گوزل نيلوفريم گلدي
کر اول
علي اكبر مه تابان * گل زهراگل ريحان
کر دوم
مه تابان علی * گل ربحان علی
مه شعبان اولوب اون بير قدم قويدي بودنيايه
دوغوب سرچشمة عفّت آناسي زيوريم گلدي
قدي طوبا رخي زيبا ايكي گوز قاشلاري شهلا
رسول اللهه بنزر چوخ منيم پيغمبريم گلدي
نبي سيرت نبي صولت گلن احمدي اكبردي
بو افلاك جلالتده ايشقلي اختريم گلدي
آدي زيبا باخيش زيبا لبي غنچه گوزل سيما
دگر مين يوسفه اوغلوم منيم مه پيكريم گلدي
او گونده كشتي دينه كه كشتي باني من اوللام
طلاطم ايلسه دريا نه غم بيرلنگريم گلدي
بو بازار ملاحتده دولانسا مين خريداري
متاع عشق بازاري مُعين و ياوريم گلدي
منه دلبند و ليلايه ايكي گوزده اولان نوري
شهيد كربلا اولسون منيم همسنگريم گلدي
غم ايتمه «عدليا» گلدي علي اكبركيمي اوغلوم
گنه كاره اولا شافع شفيع محشريم گلدي
علي اكبر مه تابان * گل زهراگل ريحان
جوانلارحاجت ايستورلر
سن ایله دردلره درمان
- پنج شنبه
- 18
- دی
- 1399
- ساعت
- 11:56
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه