حکم اولوب تقلید اولا مردانِ دانا عاقله
مُجری حُکم شرعیت دوشمیوبدور مشکله
فرض دورصوم وصلاة خُمس وزکات حجّ وجهاد
آیۀ قرآندی بو جمع قبائیل و ایله
خواب غفلتدن اویان باخ بیربصیرتله نجه
همره پیروجوان کوچ ایلوری هر قافله
جان آلان مأموریدی ایله یقین رحم ایلمز
مرد و زن شاه و گدا پیرو جوان و جاهله
مشرکینه گر چه جنّت دور سراسر بو جهان
لیک دوزخدی بو دنیا مؤمنین کامله
اُلفتون کس گتمه چوخ لَهوولَعَب محفل لره
روحووی ایتمه اسیر زیبارخان و کاکله
حقیله باطل حکومت ایلوری بو دهریده
عالم فانیده گویلون ویرمه هرگز باطله
معصیت دریاسینه غرق اولماموش ایله علاج
جسم و روحه ویرصفا سعی ایت یتشسون ساحله
حق یولی گوندن ایشیقدی سیرایدور بو شیعه لر
آیه " برهان " ایستمز مسلم اولا گر عاقله
کافر اول مُسلمدی که بیر لحظه ای فکر ایلییه
خاتم پیغمبریله وار علی ده فاصله
کیمده وار بو مدّعا ایتسون آناسندان سئوال
نطفه سی کیمدن دوشوب کیم ایلیوبدی حامله
بو همان مولا علی دور باب علمه آفتاب
بی جواب اولماز سئوال ویردی جوابین سائله
بو صلاة اوسته ویروبدور سائله انگشترین
رحم ایدوبدور جانویرنده اوز ایوینده قاتله
حضرت آدم زمانی کینه و بخل و حسد
باعث اولدی ظلم ایده قارداشی قابل هابله
چوخ زماندورعصرآدمدن کچورامّا گینه
ایمدیده لعن ایلوری بواهل دنیا قابله
هرنه شیعه وارجهاندا لعن ایده دائم گرک
رهبر دین اولدورن اول ملجم اوغلی سافله
انتخاب ایت برتریت ارجحیت قویمیاخ
توسن فکری باتا دریا کنارینده گِله
دورت خلیفه ایچره عالِم تک علیدورآگه اول
یوخ زیانی" گل ایداخ مولا علیلن معامله
گر ولایت اولمیه خیر و عمل ویرمز ثمر
تا ابد قیلساق نماز راز و نیاز و نافله
گل بصیرتله اولاخ مولا علینون شیعه سی
اَیمییاق باش دنیادا هیچ جاهله هیچ فاضله
(عدلیا ) زیبنده دور دیوانی دولدور مدحینه
آل قیامت عرصه سینده آل طاهادن صله
- جمعه
- 19
- دی
- 1399
- ساعت
- 20:30
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه