ای‌‌جمال اطهرون‌شَمس درخشاندان گوزل
وی مقدس طلعتون مهتاب تاباندان گوزل
ای‌وجودی جود آلان آلله وجودیندن‌وجود
مَدحیون‌بیرمصرعی‌ابیا‌ت‌ودیواندان گوزل
گوزلرون‌بیت خدادور قاشلارون مروه‌صفا
قطره‌قطره‌گُوزیاشون‌انهار رضواندان‌گوزل
گلشن‌عشقونده‌هر بیرگُل‌کی پژمرده‌اولوب
عشقه‌آنداولسون‌گُلون‌باغ‌وگلستاندان‌گوزل
یوسفی زیبالیقا ضرب‌المثل ائتمه قلم
بیرگوزل‌وار نه‌گوزل؟زیبای کنعاندان گوزل
آد خدا ،چهره خدا ، اللره خدا ، گوزلر خدا
وار مگر خلقتده‌یارَب شاه‌مرداندان گوزل؟
بیرگوزلدور یونس وهم نوح‌دن ادریس‌دن
خضردن،یعقوبدن،موسیِ عمراندان گوزل
چون جلالِ لایَزالی تا اَبد جَلِّ جلال
کلمه کلمه سوزلری مین آیه قرآندان گوزل
من‌کیمَم‌چون ریزه‌خواری بوذر و سلمانیدور
هانسی‌بوذرهانسی‌بیر سلمان،سلیماندان‌گوزل
سائل درگاهی باشدی شاهِ هفت اِقلیمیدن
چون‌گدای مستمندی‌جمله‌سلطاندان گوزل
مرتضی مدحین یازان شاعرلرین شاگردیم
چون‌یازولار مدح مولانی‌پریشاندان گوزل
- چهارشنبه
- 22
- بهمن
- 1399
- ساعت
- 15:59
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه