سبک : ایران اگر دل تو را شکستند.....
یاران
بو صبح ده اذان زمانی
بلشدی قانه مرتضانی
شل اولموش ال او ابن ملجم
گتوردی لرزیه سمانی
کر:
چاتوب حسینون عرشه آهی
باتوبدی آفتاب و ماهی
یاران
علی باشی قلجلانوبدی
محرابی قانه ایسلانوبدی
قلج ویران او مرد کافر
علینین حقینی دانوبدی
مظلوم
علی ئولوب عدالت ئولدی
قلوب شیعه غمله دولدی
هدایتین گونی باتاندان
ریاض دین سارالدی سولدی
یاران
بو گونکی گون اولوب قیامت
عیاندی حشریدن علامت
نه داد خواه نه دادگستر
ئولوب علی ئولوب عدالت
یاران
خسوف ایدوب مه هدایت
یوموب گوزون شه ولایت
قویولارا دیمز او دردین
او خسته روح اولوبدی راحت
یاران
ایدردی خالقه عبادت
او عرصه لرده با لیاقت
آچان گوزون خدا ایونده
تاپوب او یرده ده شهادت
(عدلی)
تمام ایله بو ماجرانی
نجفده قوی او مقتدانی
بو غصه لر سالوبدی یاده
حسین و دشت کربلاست
- جمعه
- 19
- دی
- 1399
- ساعت
- 23:29
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه