ای عشقی منیم هر دل شب راز و نیازیم
تسبیح دلیم اسمی اولان ذکر و نمازیم
ای یادی منه مسجد و هم دیرخرابات
گه میکدیه یول سالورام گه یول حجازیم
سنسن منه پروانۀ عشق من سنه شمعم
یانّام نازو وا ای منیم هرلحظه ده نازیم
شاهددی منه زلف سیاهون دل شبده
سالک اولام حقه منه وار راه درازیم
زاهدچکوری رنج و مشقت آلا جنّت
من قصد لقائوندا وارام غیره مَجازیم
مضراب اولوب آهیم ویروری تار دیلیمده
غیری ایشیدنمز چالونان دلده کی سازیم
وصلونده دوشه گوشۀ زندانه بو « عدلی»
سویلرمنه خوشدور اولاسان محرم رازیم
- شنبه
- 20
- دی
- 1399
- ساعت
- 21:2
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه