صفالی گلستاندا طراوت علی وار
ولا حکومتینده عدالت علی وار
علینون حق یانیندا بویوکدی امتیازی
اونون آدیلا گویده ائدله عشق بازی
کیم ئوپسه آستانون یوخ هیچ کسه نیازی
ائدیبدی نوری روشن سراسر حجازی
فلک بیلور هر ایشده صداقت علی وار
علی نمازین اوسته صله ویروب فقیره
ایر باشین غنی لر بو شاه بی نظیره
اولوبدی چشم عالم بو نور حقه خیره
تفکر ایتسه هر کیم همیت غدیره
دییر که قلبیلرده محبت علی وار
علینون عشقی واردی ئورکده رشته رشته
یازوبدی لوح عرشه گوزل آدین فرشته
گیده جهاندا زاهد گیجه گونوز کنشته
علینی ائتسه انکار اجازه یوخ بهشته
که هر ایکی جهاندا ولایت علی وار
گدای کوی عشقه علی نعم ویروبدی
کلیمه شرح صدر و مسیحه دم ویروبدی
آدون دیوب سلیمان اونا حشم ویروبدی
به حق آل طاها خدا قسم ویروبدی
او کس که حیدریدور شفاعت علی وار
بصیرتیله ای دل علیده باخ وقاره
ئورکده باب علم و الینده ذوالفقاره
دی مرحبا اوشیر خدای کردگاره
اونون نظیری گلمز بو عالمه دوباره
منادیان عشقه حمایت علی وار
علی ابوالعجائب نگار لم یزلدی
وصی ختم مرسل وفاده بی بدلدی
خدانون ئوز ایوینده آقا جهانه گلدی
گوزللرین ایچینده منیم آقام گوزلدی
مرید بوترابه کرامت علی وار
جفائیلن او مولا اگر چه قانه باتدی
حسن شهید اولوبدی حسینه نوبه چاتدی
خدا حسینه یاور ابوالفضلی یاراتدی
دیار کربلاده آتا باشین اوجاتدی
دیدی دامارلاریمدا شجاعت علی وار
- دوشنبه
- 22
- دی
- 1399
- ساعت
- 22:57
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه