باشیمدا واردی شکر اولا هوای باقرالعلوم
بوگون اوخوللا ماخلق ثنای باقرالعلوم
رجب آییندا گوز آچیب جهانه پور مرتضی
زمین اولوبدی فخریلن سرای باقرالعلوم
مقامه باخ کماله باخ باش اگدی ماسوا اونا
اولوبلا شاهلار هاموسی گدای باقرالعلوم
آتاسی زین العابدین آناسی دخت مجتبی
جهانیانه لطف ایدوب خدای باقرالعلوم
مسیرعلم و دانشه شاخوبدی آفتاب تک
منور ایتدی دیللری ضیای باقرالعلوم
نفاق و جهله غوطه ور اولان بوتون یاتانلاری
اویاتدی خواب جهلیدن صدای باقرالعلوم
اولوب امام و مقتدا تمام ماسوی اللهه
اولا هامی جهانیان فدای باقرالعلوم
سیغیشماز هیچ غزللره قصیده مثنوی لره
عطا و لطف و بخشش و سخای باقرالعلوم
مریضی واردی هرکسین دوشوبدی آستانینه
مریضلره شفا ویرر دعای باقرالعلوم
نه دردون اولسا (آذرین) گتیر اوزونله مجلسه
علاج ایدر مسلما دوای باقرالعلوم
- جمعه
- 26
- دی
- 1399
- ساعت
- 11:9
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه