آه یابن العسکری ایستور قلم اعجاز ایده
قلب ایویندن گوزلره غملی مسیری باز ایده
سوم ماه رجب ده عالمی ماتم دوتوب
بالاخص قلب امام عسکرینی غم دوتوب
سینه مالامال اندوه و اورکلر غملی دی
جدوین سوگینده یامهدی بوگوزلر نملی دی
نام نیکوسی نقی دی کنیه سی ابوالحسن
تز آتاسین ویردی الدن اول امام ممتحن
باشینه گرد یتیمی چون اوشاقلیخدان دوشوب
گوزلریندن دائما اشک غم و هجران سوزوب
دائما توش اولدی حضرت هربلا و محنته
راضی اولدی هربلایه هرقضا و قسمته
عمرینون آیینه سی چوخ دگدی حرمان داشینه
چوخ بلاگتدی دیوللر خصم جانی باشینه
قوی دیوم متوکل نادان امامه نیلدی
حضرته دنیانی او ظالم چو زندان ایلدی
بیرگونی بزم شرابه چکدی توهین ایلدی
بیرگونی دیلده شماتت باری سنگین ایلدی
بیرگونی واهی دلیله فرقه بی آبرو
خانه عشقین توکولدیله ایدوبله زیر و رو
بیرگونی دشمن وطندن حضرتی تبعید ایدوب
سامرایه موطنیندن زار و اشک افشان گیدوب
قوی دیوم قلب امامه تیرمحنت ساچماغین
مرکب خصمین دالیجا پاپیاده قاچماغین
عاقبت پور جوادی خصم دون مظلوم ایدوب
معتز ملعون امامی زهریلن مسموم ایدوب
آغلا ویرباشه بوغمده شیعه اثنی عشر
سینه چاک ایله کی آغلور حجت ثانی عشر
همنوا اول مهدی دورانیلن ای اهل راز
ایله بو ماتمده دیلدن ناله و سوز و گداز
گل گریز مطلبه دقتله باخ دیل آهینه
آغلا ای دل هادیه هم کربلانون شاهینه
یاس دوتوبدی هادیه گرچه امام عسکری
شاه عطشانون یوخیدی بیرجه یار و یاوری
گودی مقتلده اوچ گون پیکری عریان قالوب
شدت گرما الینده گول وجودی اودلانوب
غسلی قان تشییعی آتلار دیرناقی اولدی اونون
بیرگون ایچره غنچه سی گل گلشنی سولدی اونون
اونداکی گلدی آتاسین دفن ایده زین العباد
گورجگین صدپاره جیسمین ایلیوبدورآه و داد
سسلدی لایلای قیزیل قانه باتان مظلوم آتا
قانینه غلطان اولان کامه چاتان مظلوم آتا
یوخ کفن گل جیسمووی بیربوریایه بوکموشم
یاروه یوخ مرحمیم گوزیاشی مرحم توکموشم
اکبری پایین پاده دلشکسته قویموشام
اصغری سن چوخ سویردون سینون اوسته قویموشام
سنله همسایه اولوبدی بو ایکی جانان حسین
قبرون اوسته یازمیشام مظلوم حسین عطشان حسین
(آذرین) عمرونده قیل ریب و ریالردن حذر
حضرت هادی دواسیز دردوه درمان ویرر
- جمعه
- 26
- دی
- 1399
- ساعت
- 11:15
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه