گل حسين عمريمي پايان ويرورم
جانيمي گوزلري گريان ويرورم
باجووام باشيمون اوسته گل حسين
شهرشام ايچره غريب جان ويرورم
اورگيم اودلانوري گل وجوديم يانوري
یاحسین دادیمه گل ۲
گل حسين غصّه لر اولديردي مني
ياديما دوشدي گينه قوم دني
الي باشدا نجه گلديم دادوا
يا حسين گوزليورم منده سني
سنده گل قيديمه قال باجوي يادوه سال
یاحسین دادیمه گل ۲
اوجالوب موج غميم باشدان آشور
قان اوركده غم هجرانه داشور
داخي چاتدي باشا عمروم اولورم
قمچي ردي بدنيمده آليشور
جانيم اي واي ديورم سني من گوزليورم
یاحسین دادیمه گل ۲
باشيمه قمچي كيمين غملر انيب
غم غبارين فلك اوستومده سريب
قويما شام اهلي ديه زينبه باخ
يدي قارداش باجيسي اولدي غريب
غملي احساسيله گل گوزل عباسيله گل
یاحسین دادیمه گل ۲
بيربه بير غصه لريم ياده دوشور
قانلي باش تشت مطلاده دوشور
ياندورور قلبيمي ويرانه غمي
زورقيم طوفانا درياده دوشور
گل سني بيرده گوروم جانیمی ساده ویروم
یاحسین دادیمه گل ۲
- جمعه
- 26
- دی
- 1399
- ساعت
- 18:8
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه