وارد كربــلا اولـوب؛ قـافله ي خـدا بوگون
نورخداييلن دولوب؛ عرصه ي كربلا بوگون
وادي عـشـقـه گلـديلر آل پيمبر اي خدا
نـذرلرين گـتـورديـلر عـترت حيدر اي خدا
نقدجان الده گلديلر اكبر و اصغر اي خدا
آغـلـيـوري بـو كاروان حالينه ماسوا بوگون
باشـه آلـوبـدي عـتـرتين آيت كبريا حسين
دوّم مــاه غــم اولـــوب وارد كـربـلا حسين
خيمه ويريبدي قلّه ي قافيده گوييا حسين
خيمه لري قورون بورا شاه ايلدي نوا بوگون
خـیـمـه لـری قـوروبـدیـلار عـزّتیـلـن ؛وقـاریـلن
بـاخدی گؤیـه امـام اؤ دم دیـدۀ اشک باریـلن
وجده گلوبدی باشلادی صحبتی ؛ یار ؛یاریلن
کرب وبلالی اؤلماقا ؛ شاکـرم ای خدا بوگون
لحظه به لحظه چوخلاشیر وصلووه شوقیم ای خدا
یــــوم الـسـت ائـتـدیـگیـم عـهـده گـرک ائــدم وفــا
عاشقونم سنون ؛ منه عاشق اؤلـوبـسـان هـکذا
عشقیمه احـسن-آفـرین؛عشقووَه مرحبا بوگون
سسلدي غم شريكيم اي مونس غصّه زينبيم
بـوردا گـرك مـقـيـم اولاخ صـبريده اسوه زينبيم
مصـحـف عـشـقـي ازبـر ايت آيه به آيه زينبيم
بزم عـزايه حاضــراول ؛ خواهر باوفا بوگون
شـه گـتـوروب فـدا ايـده قـانـلـي مـناده اكبرين
ئـولـدوره جـك عـدو ؛بيلور سعي صفاده اكبرين
حمل ايده جك جنازه سين قانلي عباده اكبرين
شـبه پـيـمـبري ايدور ليلي ئوزي دعا بوگون
اهل حرم ؛چالون بوگون شوقيله لايلاي اصغره
باشلاسـا غملي ماجرا؛چاتماز الوز داي اصغره
حرمـله اوچ پـراوخ ويـرار حـلقينه ؛ ايواي اصغره
سويله ربابه دای ایله گون قاباغين سرا بوگون
ايــله ســريّــه ســن دعـا بـيـلــه زمــان دا قاسمه
بـونـئـچـه گـون نـظـاره ايـت فاني جهان دا قاسمه
طوي دوتاجاقلا كوفيان؛حجله سي قان دا قاسمه
تازه عــروسي ايــلـيـور قاسـمـه الـتجا بوگون
شير كيمين گلور سـسي خيمه ده پورحیدرین
واردي هـلـه بـويوك غمي سـينه ده پورحیدرین
دشمن ایدر قولون قـلـم عـرصــه ده پورحیدرین
ايله علی نین اوغلونا (آذرين) اقــتدا بوگون
- سه شنبه
- 30
- دی
- 1399
- ساعت
- 17:8
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه