یتیشدی زینب قطاریمیز جلوه‌گاهِ جانانه
بو یئرده یتمیش ایکی فدا جان وئرله قرآنه
فاش اولار سنه مطلب
حاضر اُول باجی زینب
خلیل عشقم بو چول منه پایتخت ایماندی
بو تپراقی قانیمه منیم سو مِثالی عطشاندی
تَبرّک ایله تُرابینی دردمنده درماندی
بو یئر اینان ناز ائدر باجی عرشِ حقِ یزدانه
بو چولده سو سولارین بیزه اهل کینه‌لر باغلار
یانار بوتون گولریم منیم آغلاشار بیزه باغلار
یئر اهلی ظلم ایلیَر گولر عرشیان ولی آغلار
من آغلیان وقتیده گلر اهل آسمان جانه
شبیه پیغمبر اوغلومی کربلاده دوغرالار
الیمده شش ماهه اصغری اهل کوفه اوخلالار
بالام ئولنده منه گولوب اهل کینه یوخلالار
بو چولده رحم ایلمز بیری شاه سینه سوزانه
بجادی محنتلی دشتیده درد اَلیله پیر اولسان
بو لشکره وئرمه معجرون مرتضایه شیر اولسان
حجابیوی گوزله زینبیم دشمنه اسیر اولسان
نگهبان اُول اهل بیتیمه عاشقانه مردانه
منا داغی اولسا کربلا سنده حاجی ، یالوارما
سنه بو دنیانی ائدسه‌لر غملی ، آجی یالوارما
کسنده دالدان بو باشیمی شمره باجی یالوارما
اجازه وئر باشیمی کَسه جان وئرم دلیرانه
او دَمده یالوارما زینبیم چوخ ئوزووی سیندیرما
آخاندا قانیم چیخاندا جان باشیوه باجی وورما
باشیم جدایه چیخان زمان نیزه یوز وورما
جداده باشیم چاتار باجی عرصه‌گاهِ یزدانه
- یکشنبه
- 19
- بهمن
- 1399
- ساعت
- 22:36
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه