حضرت‌معصومه‌شعریمین‌دوزی
امامت‌ائوینین‌‌پارلاق‌اولدوزی
موسی‌ابنِ‌جعفرین‌دُردانه‌قیزی
اهلبیتین‌‌کریمه‌سی‌معصومه
آدی‌زینت‌وئریب‌مرکزِ‌قُمه
اوّلِ‌ذِی‌القعده‌گلدی‌جهانا
خوشحال‌اولدو‌آتاسئویندی‌آنا
عطری‌سبقت‌آلدی‌ریحِ‌ریحانا
امامِ‌رضانین‌باجیسی‌‌خانیم
رضاکعبه‌سینین‌حاجیسی‌‌خانیم
حضرت‌فاطمه‌معصومه‌خانیم
مقدس آدینا قرباندی جانیم
وار کرامتینه دل‌دن ایمانیم
کریمه‌ی اهلبیت عصمت دی
حضرت معصومه باکرامت‌دی
موسی‌ابن‌جعفرین کریمه قیزی
عقیله عالمه رحیمه قیزی
زکیه مهربان علیمه قیزی
عمه‌سی‌زینبه تأسّی‌ائدیب
چؤلدن‌چؤله دوشوب غربته گئدیب
آتاسی‌دنیادان‌گئدندن‌صونرا
مدینه‌ده‌دگدی‌قلبینه‌یارا
قارداشی‌رضادن‌ایسته‌دی‌چارا
برات‌اولدو چون جانب‌خدادن
مکتوب گلدی آقام‌امام‌رضادن
وفالی‌دختر‌‌موسی‌ابن‌جعفر
خراسان ملکینه باشلادی سفر
کجاوه‌سی‌بَزَندی چوخ منوّر
زینب‌سایاق یول‌سالدی‌نینوایه
مدینه‌دن گلدی کرب‌وبلایه
عراق‌دا قالمادی او سرگشته‌قیز
گوهرِ‌عُمرینی ساتمادی اوجوز
بیلدی اوردا باتیب ایشیقلی اولدوز
عراق‌اهلی قوناق ساخلییانمادی
غریب گلنلری یوخلییانمادی
حضرت معصومه گلیرایرانا
رضاقارداشیندان‌جان‌تاپا‌جانا
عزم سفرائیله‌دی‌خراسانا
قم‌شهرینده رحلِ‌اقامت سالدی
یول‌یورقونی مریض بسترده‌قالدی
حضرت معصومه دوشیزه مقام
امامت‌قیزی‌دی خواهر امام
مطهره مقدسه مستدام
موسی‌ابن‌جعفرین یادگاری دی
امام‌رضانین افتخاری دی
حضرت معصومه امام نوه‌سی
اهلبیتین کریمه‌سی هوسی
حضرت مریم تک پاک‌دی نفسی
هرنه‌دعا‌ائتسه اجابت اولار
کرامت سفره‌سی فیضیلن دولار
باب‌الحوائجین نازلی دختری
اونون خادمه‌سی حورایلن پری
اؤزعصرینده تاپیلمییان همسری
عالیه مقامی آدی برتردی
اونون دوغوم گونو روز دختردی
ایران شیعه‌لری وفالی چیخدی
استقبالا مریدمثالی چیخدی
ساوه‌لی‌لر‌پیشوازا عالی چیخدی
شیعه خانیملاری ییغیشدی باهم
یورقون غریب قیزا اولدولار همدم
اؤن‌یئددی‌گون اولدولار پرستاری
زهرا بالاسینا ائتدیلر یاری
نوازش قیلدیلار خسته بیماری
طبابت ائتمَگه ممکن اولمادی
معصومه جوانمرگ اولدو قالمادی
قم‌دا غریبانه دنیادان گئتدی
شیعه‌خانیملارین دیده‌تر ائتدی
باجی‌مصیبتی قارداشا یئتدی
خراسان‌دا امام‌رضا آغلادی
غریبلرین اوره‌گینی داغلادی
دئییردی اولمادی یولداشین باجی
سنسیزغریب‌قالدی قارداشین باجی
آغلادین کیم‌سیلدی گؤزیاشین باجی
باجی‌قارداش قالدیق قلبی یارالی
هرایکیمیز دوشدوک ائلدن آرالی
ایکی خانیم بنی‌هاشم ائلیندن
غربت یئرده آیری دوشدو گولوندن
قارداش آدی جاری اولدو دیلیندن
بیری دمشق‌ده قارداشسیزئولدی
بیری قم‌دا یار و یولداشسیزئولدی
بیری‌شماتت‌دن بیری غربت‌دن
بیری اسارت‌دن بیری هجرت‌دن
بیری‌مشقّت‌دن بیری شدّت‌دن
ئولدی دمشق‌ده زینب‌کبرٰی
غُرَبا باغیندا قورولدو عزا
غربت‌ده جان‌وئردی معصومه خانیم
گؤزو یولدا سسلردی قارداش جانیم
هایانداسان رضا ای مهربانیم
ئولورم آی قارداش گَل فریادیما
بی‌بی‌م زینب ایندی دوشوب یادیما
فاطمه‌نین ایکی نازدانه‌سی
ایکی باب‌الحوائج نشانه‌سی
داغیلدی تالاندی آشیانه‌سی
زمانه چوخ اوره‌ک‌لرین داغلادی
«قیزیل‌قلم»یازا یازا آغلادی
- چهارشنبه
- 22
- بهمن
- 1399
- ساعت
- 16:20
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه