بو یر باجی جان مدفن شاه شهدادی
تپراقی همی خاک شفا،همده دوادی
هرآن دولانور باشینه کعبه گجه گوندوز
چون کعبه نی مبهوت ایلین کرببلادی
بوآلچاق اوجا یرلره چوخ دقتین اولسون
سن شیر خدانین قیزیسان همتین اولسون
تز دوشمه ایاقدان باجی جدیّتین اولسون
فرصتدی دولان اکبریلن دشت فلاتی
ذهنینده مجسم ائله او نهر فراتی
ترک ایلمه دیم اوز باشیما بیت خدانی
یغدوم بو سفرده گتورم پیر و جوانی
الله منیچون خلق ایلیوب کرببلانی
مشتاقیدی بوردا گوروشخ سوگیلی یاریم
الحق که گوزل مولکب مکان ائتدی نگاریم
زینب بو مکاندا بالامی دوغرویاجاقلار
شش ماهه سوسوز اصغریمی دوغرویاجاقلار
او قول کی دوتوب پرچمی،تندن سالاجاقلار
منده که بولورسن نجه مشتاق بلایم
اولّار هامی بیر سمته اوزوم ذبح قفایم
فکر ایلمه بو ظلمدن اعدا دویاجاقدی
بیزدن صورا اخیامی سراسر سویاجاقدی
اوچگون گجه بو نعشیمی عریان قویاجاقدی
بیربیر ویراجاقلار کسیلن باشی جدایه
نی تک گله جاقدی ننه میز بوردا نوایه
بو شهره بیزیم گلمه قیمیز اولدی بهانه
تا دورت مین اوخا جسمیم اولا بوردا نشانه
هر بیر یارا بیر گول آچاجاخ،گلمه فغانه
ثابت قدم اول قیزلاریمن سنسن امیدی
تختن سالاجاخ نطقین او میخواره یزیدی
قول باغلی گئدین شامه هاموز پای پیاده
سرقافله اوللام سیزه من نوک جداده
قوی بیر چکوم آغوشه سنی کرببلاده
فرصتدی لبیمده هله داش یاره سی یوخدی
باشینده سنین یدّی جوان قاره سی یوخدی
- سه شنبه
- 28
- بهمن
- 1399
- ساعت
- 22:25
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه