قویما گوزومی یولدا یتیش داده حسین جان
قارداش اؤلورم گل ئوزون امداده حسین جان
تک قویما آماندور منی سن،لطف ائله قارداش
آل باشیمی آغوشیوه قوی دینجله قارداش
قویما دولانا باشیمی الدن اله،قارداش
سس وئر سسیمه،ای شه دلداده حسین جان
سو مشکیم اولوب فرقه ی اعدایه بهانه
پیکانلارا جسمیم باشا باش اولدی نشانه
مشکیم کیمی گوز یاشیم اولوب،ایندی روانه
تأخیر ائلمه گل اوزون امداده حسین جان
دورت مین اوخ آتان،اوخلادی سرلشگری ویردی
دریاده سوسوز ساقی بی یاوری ویردی
معناده منیم مشکیمی یوخ،،اصغری ویردی
قالدوم نه یامان حاله بو صحراده،حسینجان
اوخلار باشا باش،نظمیله سینمده یاتوبدی
بیر زهریلی اوخ گوز یاشیمی قانه قاتوبدی
قولسوز،یارالی نوکرون اهدافه چاتوبدی
دیوانه یم عشقینده بو دنیاده حسین جان
گل قلبیمی آرام ائله ای زادهٔ زهرا
دیداریوه روشن اولا بو دیده ی سقّا
تک قویما غلامون دم آخر،سنی مولا
جان وئرمقه عباس اولا آماده حسین جان
گر شیر خدا اوغلی اوزوم شیر ژیانم
سرلشگر سلطان جنان،ماه جنانم
زینب جانی بیرجه بالالاردان نگرانم
بیزدن سورا نیللّه بو دنیاده حسین جان
قمچی ویراجاخ شمر و سنان،خرد و کبیری
نه حالا سالالّار بولوسن طفل اسیری
محشرده سند ساخلا بو اشعار «فقیری»
تأیید ائله تأیید ائده زهراده،حسین جان
- پنج شنبه
- 30
- بهمن
- 1399
- ساعت
- 12:12
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه